چەحيادا جۇمىسسىزدىقتىڭ دەڭگەيى 4,9%-عا تومەندەدى. بۇل ەۋرووداقتاعى ەڭ تومەنگى كورسەتكىش, دەپ حابارلادى ريا «نوۆوستي» اقپارات اگەنتتىگى.
«رەسپۋبليكاداعى جۇمىسسىزدىق دەڭگەيى قاراشا ايىندا 4,9%-دى قۇرادى, سونداي-اق تىركەلگەن جۇمىسسىزدار سانى 363 مىڭ ادامعا دەيىن تومەندەدى. بۇل 2008 جىلدىڭ جەلتوقسانىنان بەرگى ەڭ تومەنگى كورسەتكىش. سونىمەن قاتار, بوس جۇمىس ورىندارى 135,3 مىڭعا جەتتى. وسىعان بايلانىستى, چەحيا ستاتيستيكا بويىنشا ەۋرووداقتا جۇمىسسىزدىق دەڭگەيى ەڭ تومەن ەل اتاندى», – دەلىنگەن حابارلامادا.
ال جۇمىسپەن قامتۋ باسقارماسىنىڭ جەتەكشىسى كاتەرجينا ساديلكوۆا تۇراقتى جۇمىس ورنى جوق تۇرعىنداردىڭ قيىندىعىن شەشۋ ءۇشىن ءتيىستى شارالار قولدانىلاتىنىن مالىمدەدى. دەگەنمەن, كوپتەگەن فيرمالاردىڭ باسشىلارى «جۇمىس ىستەگىسى كەلمەيتىن ادام عانا جۇمىسسىز جۇرەدى», دەيدى.