تاۋەلسىزدىك كۇنى مەرەكەسىندە دە قازاقستاندىقتار ءتورت كۇن دەمالادى. ال جاڭا جىلدى 31 جەلتوقساننان 3 قاڭتار ارالىعىندا اتاپ وتەدى.
تاۋەلسىزدىك كۇنىنە وراي 16 جانە 17 جەلتوقساندا دەمالىس بولادى. بىراق 17 جەلتوقسان سەنبى كۇنىنە كەلگەندىكتەن, 19 جەلتوقسان دا دەمالىس دەپ جاريالانعان بولاتىن.
جاڭا جىل مەملەكەتتىك مەرەكە بولىپ تابىلادى, رەسمي تۇردە 1 جانە 2 قاڭتار اتاپ وتىلەدى. الايدا «قازاقستان رەسپۋبليكاسىنداعى مەرەكەلەر تۋرالى» زاڭنىڭ 5-بابىنا سايكەس دەمالىس جانە مەرەكەلىك كۇندەر سايكەس كەلگەندە دەمالىس كۇنى مەرەكەلىك كۇننەن كەيىنگى جۇمىس كۇنى بولىپ تابىلادى.
1 قاڭتار جەكسەنبىگە ءتۇسىپ تۇر, سوندىقتان دەمالىس مەرەكەدەن كەيىنگى جۇمىس كۇنى سەيسەنبىگە اۋىستىرىلادى. وسىلايشا, قازاقستاندىقتار 31 جەلتوقساننان 3 قاڭتار ارالىعىندا دەمالادى. كەلەسى دەمالىس 7 قاڭتاردا بولادى. پراۆوسلاۆيەلىك روجدەستۆو سەنبىگە تۇسەدى, جۇمىس رەجىمىنەن جانە اۋىسىمدىق كەستەسىنەن تىس دەمالىس كۇنى بولىپ تابىلادى. دەمالىس ءبىر كۇن بولادى.