بيىل قازاقستاندىقتار بالاباقشالار مەن مەكتەپكە دەيىنگى ءبىلىم بەرۋ مەكەمەلەرىنە وتكەن جىلمەن سالىستىرعاندا 7,1%-عا ارتىق اقشا تولەگەن, دەپ حابارلايدى abctv.kz.
وسى جىلدىڭ 3 توقسانىندا مەكتەپ جاسىنا دەيىنگى بالالاردى وقىتۋ مەن تاربيەلەۋ قىزمەتىنىڭ جالپى قۇنى 58,4 ملرد تەڭگەنى قۇرادى. بۇل وتكەن جىلعا قاراعاندا 4 ەسە جوعارى.
2016 جىلدىڭ قاراشا ايىندا بالانى مەكتەپكە دەيىنگى ءبىلىم بەرۋ مەكەمەلەرىنە ءبىر رەت اپارۋ ءۇشىن اتا انالار ورتاشا ەسەپپەن 738 تەڭگە تولەگەن. بۇل 2016 جىلدىڭ قازان ايىمەن سالىستىرعاندا 0,1%-عا تومەن, الايدا وتكەن جىلعا قاراعاندا 7,1%-عا جوعارى.
ەڭ جوعارعى باعا استانادا — 1719 تەڭگە نەمەسە +25%, الماتىداعى باعا 1604 تەڭگە, اقتاۋدا — 863 تگ, (+8,7%). باعانىڭ ەڭ جوعارعى ءوسۋ قارقىنى تارازدا. مۇندا باعا ءبىر جىلدا 41,1%-عا دەيىن قىمباتتاعان. جالپى 3 توقساندا 58,4 ملرد تەڭگەگە قىزمەت كورسەتىلدى. بۇل وتكەن جىلمەن سالىستىرعاندا 24,3%-عا جوعارى. مۇنىڭ 20%-ى نەمەسە 11,2 ملرد تەڭگەسى وڭتۇستىك قازاقستان وبلىسىنا, 11%-ى (6,2 ملرد تەڭگە) الماتىعا تيەسىلى. 2016 جىلدىڭ 3 توقسانىندا مەكتەپ جاسىنا دەيىنگى ءبىر بالانى وقىتۋ مەن تاربيەلەۋ قىزمەتىنە 79,9 مىڭ تەڭگە جۇمسالعان.