«قازگيدرومەت» رمك دەمالىس كۇندەرى - 10-12 جەلتوقسان ارالىعىنا ارنالعان اۋا رايى بولجامىن ۇسىنادى.
«اتلانتيكادا تۋىنداعان تسيكلوندار, ۇلكەن جىلدامدىقپەن كونتينەنتكە جانە ءارى قاراي سىبىرگە جىلجىپ كەلەدى. ال تسيكلوندارمەن بايلانىستى قالىپتاسقان اتموسفەرالىق فرونتتار قازاقستان اۋا رايىنا اسەرىن تيگىزەدى. دەمالىس كۇندەرى ولارعا ىلەسكەن قار جاۋ, بوران جانە كۇشتى باتىس جەلى كۇتىلەدى. اتلانتيكالىق تسيكلوندارداعى اۋا جىلى بولعاندىقتان, قىسقا مەرزىمدى سۋىقتان كەيىن قايتا اۋا تەمپەراتۋراسىنىڭ كوتەرىلۋى جانە كوكتايعاق كۇتىلۋدە», - دەپ جازىلعان حابارلامادا.