اقش-تىڭ جاڭادان سايلانعان پرەزيدەنتى دونالد ترامپ اتاقتى NBC تەلەارناسىنىڭ The Celebrity Apprentice (تانىمالدىڭ شاكىرتى) رەاليتي شوۋىنىڭ اتقارۋشى پروديۋسەرى قىزمەتىنە كەلدى, دەپ حابارلايدى BBC.
ترامپ 2008-2015 جىلدار ارالىعىندا وسى باعدارلامانىڭ جۇرگىزۋشىسى بولعانىن ەسكە سالا كەتەيىك. الايدا وتكەن جىلدىڭ جازىندا ترامپتىڭ مەكسيكالىقتارعا قاتىستى سايلاۋالدى سوزىندە ايتقان داۋلى مالىمدەمەسىنەن كەيىن تەلەارنا ونىمەن كەلىسىمشارتتى بۇزعان ەدى. ودان كەيىن باعدارلاما مۇلدە توقتاعان.
باعدارلامانىڭ جاڭا شىعارىلىمدارى 2017 جىلدىڭ 2 قاڭتارىنان باستالادى. 15 ماۋسىمنىڭ جۇرگىزۋشىسى گولليۆۋدتىق اكتەر, كاليفورنيا شتاتىنىڭ بۇرىنعى باسشىسى ارنولد شۆارتسەنەگگەر بولماق.
The Celebrity Apprentice شوۋىنا ءار ءتۇرلى اتاقتى ادامدار كەلىپ, بەلگىلى ءبىر قايىرىمدىلىق شارالارىنا بارىنشا كوپ اقشا جيناۋ ءۇشىن سايىسقا تۇسەدى. ترامپتىڭ بۇل كەلىسىمشارتى ازىرگە ەگجەي-تەگجەيلى ايتىلمايدى. ناقتىراق ايتار بولساق, پرەزيدەنتتىڭ بۇل جۇمىستان قانشا جالاقى الاتىنى بەلگىسىز. ەستەرىڭىزگە سالا كەتەيىك, ءسال ەرتەرەكتە ترامپ پرەزيدەنتتىكپەن بىرگە ءوزىنىڭ بيزنەسىن قاتار الىپ جۇرمەيتىنىن ايتقان ەدى.