حالىقارالىق اۋەسقوي بوكس قاۋىمداستىعى (AIBA) اعىمداعى جىلى وتەتىن بارلىق جارىستاردا بوكسشىلاردىڭ ۇپايلارىن جاڭا ەرەجە بويىنشا ەسەپتەيتىن بولادى, دەپ xابارلايدى AIBA-نىڭ ءباسپاسوز قىزمەتى.
اتالعان xابارلاماعا سايكەس, جاڭا جۇيە رەسەيدىڭ سانكت-پەتەربور قالاسىنداعى جاستار چەمپيوناتىندا سىناقتان ءوتتى. ناتيجەسى دە جامان ەمەس. ەندى ۇپاي سانىنا جاۋاپ بەرەتىن سۋديالار كوميسسياسىنىڭ جۇمىسىن جالعىز كوميسسيا توراعاسى عانا اتقاراتىن بولادى. ول ۇپايدى سانايتىن ەلەكتروندى باعدارلامانى تەكسەرىپ وتىرادى. رينگتىڭ جانىنداعى سۋديالار بولسا, شارشى الاڭنىڭ ءتورت بۇرىشىندا وتىرادى. ال ءاربىر راۋندتىڭ قورىتىندىسى جەكپە-جەكتىڭ سوڭىندا عانا جاريالانادى.
ايتا كەتەيىك, بيىلعى ريو وليمپياداسى كەزىندە بىرقاتار بوكس جەكپە-جەكتەرى بويىنشا جاسالعان تورەشەلىككە قاتىستى نارازىلىقتار بولدى. ماسەلەن, قازاقستاندىق ۆاسيلي لەۆيت پەن رەسەيلىك ەۆگەني تيششەنكو اراسىنداعى جەكپە-جەكتىڭ قورىتىندىسىمەن قازاقستاندىقتار عانا ەمەس, زالدا بولعان كوپتەگەن جانكۇيەرلەر دە كەلىسكەن جوق. ارتىنان xالىقارالىق ساراپشىلار دا سۋديالاردىڭ جۇمىسىن سىنعا الدى. وسىدان كەيىن AIBA بارلىق اربيترلەردى جۇمىستان شەتتەتىپ, ۇپاي سانىن ەسەپتەۋ جۇيەسىن وزگەرتۋگە شەشىم قابىلدادى.