«قارا تىزىمنەن» شىعارىلدى

ەۋروپالىق كوميسسيا رەسمي تۇردە قازاقستاندىق اۆياكومپانيالاردىڭ ەۋروپاعا ۇشۋىنا شەكتەۋلەردى الىپ تاستاۋ تۋرالى شەشىم قابىلدادى, دەپ حابارلادى ۇيىمنىڭ ءباسپاسوز قىزمەتى ەو ۇشۋ قاۋىپسىزدىگى ءتىزىمىن («قا­را ءتىزىم») ەۋروپالىق وداق ەل­دەرى اۋە كەڭىستىگىندە ۇشۋ قا­ۋ­ىپ­سىزدىگىن قامتاماسىز ەتۋ ماق­سا­­تىن­دا ەۋروپالىق كوميسسيا قا­لىپ­تاستىرادى. بۇگىنگى كۇنگە دەيىن تىزىمدە «ەير استانا» اۆياكومپانيا­سىنان باسقا بارلىق قازاقستاندىق اۆياكومپانيالار بولدى. وسى شەشىم بريۋسسەلدە ءۇستى­مىزد­ەگى جىلعى 23 قاراشادا وتكەن ەۋروپالىق كوميسسيانىڭ ۇشۋ قاۋىپسىزدىگى كوميتەتى وتىرىسىنىڭ قورىتىندىسى بويىنشا قا­بىل­داندى. وتىرىستا قازاقستان رەس­پۋبليكاسى ينۆەستيتسيالار جانە دامۋ مينيسترلىگىنىڭ دەلەگاتسياسى ەلىمىزدەگى ۇشۋ قاۋىپسىزدىگىنىڭ جاي-كۇيى, ەۋروپالىق كو­ميس­سيانىڭ قاداعالاۋلارىن جويۋ بوي­ىنشا ىسكە اسىرىلىپ جاتقان ءتۇ­زەتۋ ءىس-قيمىلدار جوسپارلارى جانە مي­نيسترلىكتىڭ وتاندىق ازا­ماتتىق اۆي­اتسيا سالاسىن دامىتۋ جوسپارى تۋرالى اقپاراتتار ۇسىندى.