كەشكە تۇسىن جۇرتباي, ءمادي ايىمبەتوۆ, دارحان قىدىرالى, اقەدىل تويشان ۇلى سىندى زيالى قاۋىم وكىلدەرى, كوللەدج ستۋدەنتتەرى مەن مەكتەپ وقۋشىلارى قاتىستى. مودەراتور – عالىم, فيلولوگيا عىلىمدارىنىڭ دوكتورى, پروفەسسور, پۋبليتسيست نامازالى وماشەۆ بولدى.
كەش كىرىسپەسىن نامازالى وماشەۆ باستاپ بەرىپ, ودان كەيىنگى ءسوز كەزەگى كەلگەن قوناقتارعا بەرىلدى. اقىننىڭ كۋرستاستارى, دوستارى, اعا-ىنىلەرى وزدەرىنىڭ اقجارما تىلەكتەرىن جاۋدىرىپ, بىرگە وتكەرگەن كەزدەرىنەن ەستەلىكتەر ايتتى. «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى اقىن اعاسى تۋرالى ايتقان ەستەلىگىندە: «جىرسۇيەر قاۋىمعا جۇرەكتى تەربەگەن نازىك تە ليريكالىق اندەرگە جازعان ولەڭ جولدارىمەن دە كەڭىنەن تانىمال بولعان نەسىپبەك ايت ۇلى الدىمەن كەڭ تىنىستى, ەپيك اقىن. حالىقتىق اۋىز ادەبيەت ۇلگىلەرىمەن تۇشىنىپ, سۋسىنداپ وسكەن, جىراۋلار پوەزياسىن بويىنا تەرەڭ سىڭىرگەن ارقالى اقىن» دەدى.
كەزىندە نەسىپبەك اقىن جايلى داۋىلپاز جىرشى مۇقاعالي ماقاتاەۆ: ء«وز جاستىعى مەن جاس تۆورچەستۆوسىنا لايىق ءۇن اڭعاردىم. ءتىلى جاتىق, ويى انىق. ولەڭدەرىنەن جاساندىلىق بايقالمايدى, جاستىققا ءتان وت بار. اعىنان جارىلىپ, تاۋسىلا تالاپتانۋ, ىزدەنىس بار. قايسى ءبىر جاستاردا ۇشىراسا بەرمەيتىن مۇلدە ءبىر بولەك سارىن ەسەدى» دەسە, ۇلكەن اقىن تۇمانباي مولداعاليەۆ: «تەرەڭ وي, ىستىق سەزىم, جالعانى جوق جاقسى ۇمىتكە جەتەلەيتىن ەلگەزەك اقىندىق ءوز وقىرمانىن بەيجاي قالدىرمايدى. نەسىپبەك جىرلارى – بيىك جىرلار, تەرەڭ جىلار. بۇل جىرلاردىڭ بويىندا كۇزگى شۋاق, تاڭعى ساۋلە, ويعا شومعان ورمان, جەتكىزبەيتىن ارمان, ازىناعان جەل, اسقاقتاعان بەل, تەڭسەلگەن كول, تەبىرەنگەن زامان بار. ارمانىن قۋالاعان ازامات كوڭىل, تەرەڭگە ۇڭىلگەن قاريا كوز, داريا اقىل بار» - دەپ ءوز باعالارىن بەرگەن.
ىستىق لەبىزدەر اراسىندا ءانشى نۇرلىتاڭ ەرمەكتىڭ ورىنداۋىندا نەسىپبەك ايت ۇلىنىڭ سوزىنە جازىلعان «ايحاي, زامان» ءانى شىرقالدى. كىتاپتىڭ تانىستىرىلىمىنىڭ سوڭىندا كەشتىڭ باستى كەيىپكەرى نەسىپبەك ايت ۇلى جينالعان قاۋىمعا ءوز راحمەتىن ايتىپ, جاستاردى وتانسۇيگىش بولۋعا شاقىردى.
جالپى نەسىپبەك ايت ۇلى اقىندىقپەن قاتار اۋدارماشى. تۇرىكتىڭ VII عاسىردا ءومىر سۇرگەن ۇلى اقىنى ءجۇنىس ەمىرەنىڭ, قىتايدىڭ كونە ءداۋىر اقىنى بو تسىزيۋدىڭ, فرانتسۋز اقىنى دج. روداريدىڭ, سونداي-اق م.يساكوۆسكي, ا.بارتو, س.ميلاكوۆ, س.بارۋزدين, ۆ.بەرەستوۆ, ت.سىدىقوۆ, س.جۋسۋەۆتىڭ ولەڭدەرىن تارجىمالاعان.
ازامات ماۋلەن ۇلى