ءبىلىم– عىلىمنىڭ ىرگەتاسى جəنە مەملەكەت دامۋىنىڭ التىن ارقاۋى ەكەنىن ايتقان اۋدان اكىمى پرەزيدەنتىمىز ءوز جولداۋىندا ءبىلىم بەرۋ سالاسىنا ايرىقشا توقتالىپ, ادامي كاپيتال ساپاسىن جاقسارتۋ قاجەتتىگىن ايتتى دەدى.
«وسى رەتتە, اۋدانداعى اپاتتى جانە اپات الدىنداعى مەكتەپتەردى جويۋ, ءبىلىم مەكەمەلەرىنىڭ ماتەريالدىق-تەحنيكالىق بازاسىن نىعايتۋعا باسا نازار اۋدارىلۋدا. اپاتتى جانە اپات الدىنداعى 26 مەكتەپتەن 2015-2017 جىلدارى 17 مەكتەپ, 2018-2020 جىلدارى 9 مەكتەپتىڭ قۇرىلىسىن سالۋ جوسپارلانۋدا. وسىلايشا, 2020 جىلى اپاتتى مەكتەپتەر ماسەلەسى تولىعىمەن شەشىلەدى»,-دەدى اكىم.
ونىڭ ايتۋىنشا, اۋداندا ۇلتتىق قور ەسەبىنەن 300 ورىندىق 5 مەكتەپ, ال جەرگىلىكتى بيۋدجەتتەن 100 ورىندىق 3 مەكتەپ سالىنىپ جاتىر. سونىمەن قاتار, 2017 جىلدىڭ ماۋسىم ايىنا دەيىن مەملەكەتتىك-جەكەمەنشىك ارىپتەستىك اياسىندا 12 جاڭا بالاباقشا اشىلىپ, وسىنىڭ ناتيجەسىندە 1455 بالا بالاباقشامەن قامتىلماق.
سونىمەن قاتار, ول بيىلعى جىلى 11 سىنىپتى ءبىتىرۋشى 1640 وقۋشىدان 1156 وقۋشى (70%)ۇبت-كە قاتىسۋعا ءوتىنىش بەرگەنىن ايتتى. ال بالالاردى جازعى دەمالىسپەن جانە ساۋىقتىرۋمەن قامتۋ ماقساتىندا 4 دەمالىس لاگەرىندە 3656 وقۋشى دەمالادى.
سونداي-اق, اۋدان باسشىسى وسى جىلى قاقپاق اۋىلدىق وكرۋگىندە مەملەكەتتىك-جەكەمەنشىك ارىپتەستىك اياسىندا 300 ورىندىق زاماناۋي لاگەر قۇرىلىسى جەكە كاسىپكەر ارقىلى جۇزەگە اسىرىلاتىنىن جەتكىزدى.