پارلامەنتشىلەر قالدىقتاردى يسپاندىق, يتاليالىق, اۋستريالىق جانە فين ءوندىرىسىنىڭ جابدىقتارىمەن سۇرىپتايتىن جانە پلاستيكتەردى وڭدەيتىن «KazRecycleService» جشس قالدىق سۇرىپتاۋ زاۋىتىنىڭ جۇمىسىمەن تانىستى. قۇنى 36 ملن ەۆرو تۇراتىن جوبا جىلىنا 250 مىڭ توننا قاتتى تۇرمىس قالدىقتارىن وڭدەۋگە ەسەپتەلگەن. دەپۋتاتتار سونداي-اق «استانا ەكو-پوليگون نس» كاسىپورنىندا بولدى. قازىرگى كەزدە 5-7 جىلدا 2 ملن توننا قالدىق قابىلداۋعا ەسەپتەلگەن بۇل كەشەننىڭ ەكىنشى كەزەگىندەگى قۇرىلىس-مونتاج جۇمىستارى اياقتالدى. رەسپۋبليكالىق بۇقارالىق اقپارات قۇرالدارىنا بەرگەن سۇحباتىندا سەناتورلار مۇراتباي جولداسباەۆ پەن بەكمىرزا ەلامانوۆ ءبىزدىڭ ەلىمىزدەگى «جاسىل ەكونوميكا» قاعيدالارىن ەنگىزۋ تۋرالى ايتا كەلىپ, سەنات دەپۋتاتتارى تۇرمىستىق قاتتى قالدىقتاردى جويۋ سالاسىن زاڭنامالىق تۇرعىدا قامتاماسىز ەتۋگە جاردەمدەسەتىنىن ايتتى. سەناتورلار بۇل ماسەلەنى سەناتتا 31 مامىرعا جوسپارلانعان استانا قالاسىنداعى تۇرمىستىق قاتتى قالدىقتاردى جويۋ ماسەلەلەرى مەن كەلەشەگى تاقىرىبىنا ارنالعان دوڭگەلەك ۇستەل وتىرىسىندا جان-جاقتى قارايتىن بولادى.
سەناتورلار استاناداعى قالدىق وڭدەۋ زاۋىتىنىڭ جۇمىسىمەن تانىستى
110 رەت
كورسەتىلدى
«ءوڭىر» دەپۋتاتتىق توبىنىڭ قۇرامىنداعى سەناتورلار استاناداعى تۇرمىس قالدىقتارىن سۇرىپتاۋ جانە وڭدەۋ كاسىپورنىندا بولدى, دەپ حابارلايدى پارلامەنت سەناتىنىڭ ءباسپاسوز قىزمەتى.