عاسىر كوشىنەن قالماي, تەرەزەسى تەڭ دارەجەدە دامىعان ەلدىڭ تۇرمىسى جاقسى, ءومىرى باقۋاتتى بولاتىنىن كورىپ تە, ەستىپ تە ءجۇرمىز. ءبىزدىڭ وسىعان دەيىن دە تالماي ايتىپ, جۇرتشىلىق كوكەيىنە ءسىڭىرىپ كەلە جاتقان «باسەكەگە قابىلەتتىلىك» تۋرالى ۇستانىمدارىمىز پرەزيدەنتىمىزدىڭ جاڭا ەڭبەگىندە ومىرلىك قاعيدا, نەگىزگى تۇعىرناما دەڭگەيىندە باعالانۋى تەگىن ەمەس. ياعني, تەك ماتەريالدىق ءونىم شاماسى عانا ەمەس, ء«بىلىم, قىزمەت, زياتكەرلىك ءونىم نەمەسە ساپالى ەڭبەك رەسۋرستارى», ادامداردىڭ باسەكەلىك قابىلەتىمەن ايقىندالاتىنى تالاسسىز شىندىق. البەتتە, تاۋەلسىزدىككە قول جەتكىزگەن شيرەك عاسىر بەدەرىندە بۇعان قاجەتتى العىشارتتار جاسالدى. بۇعان دەيىن تۇزىلگەن «تسيفرلى قازاقستان», ء«ۇش تىلدە ءبىلىم بەرۋ», «مادەني جانە كونفەسسياارالىق كەلىسىم» سياقتى باعدارلامالار – ۇلتىمىزدى, ياعني بارشا قازاقستاندىقتاردى ءححى عاسىردىڭ تالاپتارىنا دايارلاۋدىڭ قامى.
ەلباسىنىڭ ماقالاسىن وقىپ وتىرىپ, اقىل-وي ەڭبەگى ادامدارىنا ايقىن نۇسقالعان: «...ءبىزدىڭ سانامىز ىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس», دەگەن قاعيدا ەرەكشە نازار اۋدارارلىق. بۇل ساياسي جانە ەكونوميكالىق جاڭعىرۋلاردىڭ وزەگى بولىپ تابىلاتىن رۋحاني جاڭعىرۋ, قانىمىزعا سىڭگەن داعدىلار مەن قاعيدالاردى وزگەرتە وتىرىپ, تولىققاندى بەتبۇرىس جاساۋ دەگەن ءسوز. جاستارىمىز ورىنسىز ءسان-سالتاناتشىل ەمەس, ۇستامدى, قاناعاتشىل, قاراپايىم, ۇنەمشىل بولىپ وسسە, ەل ەرتەڭنىڭ لايىقتى ءىزباسارلارى بولىپ قالىپتاسارى انىق. كورەگەن ۇستاز ناقتى ماقساتقا جەتۋ جولىندا, ساپالى ءبىلىم بەرۋگە, سالاماتتى ءومىر سالتىن ءوزى ۇستانىپ, كاسىبي تۇرعىدان جەتىلىپ وتىرسا, ىشكى مۇمكىندىگىن ءتيىمدى پايدالانا بىلسە, مىنەز-ق ۇلىق پراگماتيزمى دەگەن وسى.
«ۇلتتىق جاڭعىرۋ دەگەن ۇعىمنىڭ ءوزى ۇلتتىق سانانىڭ كەمەلدەنۋىن بىلدىرەدى», دەيدى ەلباسىمىز. ول ءۇشىن ۇلتتىق سانا-سەزىمنىڭ كوكجيەگىن كەڭەيتە جانە ۇلتتىق بولمىستىڭ وزەگىن ساقتاي وتىرىپ, سالت-داستۇرلەرىمىزدى, ءتىلىمىز بەن مۋزىكامىزدى, ادەبيەتىمىزدى, ءبىر سوزبەن ايتقاندا, ۇلتتىق رۋحىمىزدى بويىمىزدا ماڭگى ساقتاۋعا ءتيىس. ابايدىڭ دانالىعى, اۋەزوۆتىڭ عۇلامالىعى, جامبىلدىڭ جىرلارى مەن قۇرمانعازىنىڭ كۇيلەرى, عاسىرلار قويناۋىنان جەتكەن بابالار ءۇنى – بۇلار ءبىزدىڭ رۋحاني مادەنيەتىمىزدىڭ بيىك شوقتىعى ەكەنىن بۇگىنگى جاس ۇرپاق ءبىلىپ وسكەنى ءجون.
زارقىن تايشىباي, م.قوزىباەۆ اتىنداعى سقمۋ-ءدىڭ پروفەسسورى, قازاقستاننىڭ ەڭبەك سىڭىرگەن قايراتكەرى سولتۇستىك قازاقستان وبلىسى