ق.توقاەۆ مەيمانمەن كەزدەسۋدە پرەزيدەنت نۇرسۇلتان نازارباەۆتىڭ 2016 جىلعى قازانداعى ەر-ريادقا ساپارى ەكىجاقتى قاتىناستاردىڭ قارقىندى سيپاتىنا جاڭا سەرپىن بەرگەنىن اتاپ ءوتتى. توراعا مەيمانعا قازاقستان ساياسي جۇيەسىندەگى سەناتتىڭ ءرولى تۋرالى اڭگىمەلەپ بەردى. كەزدەسۋگە قاتىسۋشىلار سيرياداعى جاعداي جونىندە پىكىر الماستى. ق.توقاەۆ اتاپ وتكەندەي, جالعاسىن تاپقان استانا پروتسەستەرى سيرياداعى شيەلەنىستى بەيبىت رەتتەۋگە ەلەۋلى ۇلەس قوسۋدا. سەنات توراعاسى مەيماندى الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ تاياۋدا وتكەن وتىرىسىنىڭ قورىتىندىلارى تۋرالى حاباردار ەتتى. ء«بىز الەمدىك جانە ءداستۇرلى دىندەر كوشباسشىلارى مەن كورنەكتى ساياساتكەرلەردى ءبىر-ءبىرىن تىڭداي ءارى تۇسىنە الۋلارى ءۇشىن ءبىر ۇستەل باسىنا جينادىق», – دەدى ق.توقاەۆ. توراعا ۆەنادا ورنالاسقان كورول ابداللا بەن ابدەل-ءازيز اتىنداعى دىنارالىق جانە مادەنيەتارالىق ۇنقاتىسۋدىڭ حالىقارالىق ورتالىعىمەن بايلانىستى جالعاستىرۋ ماڭىزدى ەكەنىن اتاپ ءوتتى.
پارلامەنت سەناتىنىڭ توراعاسى قاسىم-جومارت توقاەۆ ساۋد ارابياسى كورولىنىڭ كەڭەسشىسى, يسلام زەرتتەۋلەر ورتالىعىنىڭ توراعاسى, حانزادا تۇركي ءال-فەيسال بەن ابدەل-ءازيز ءال ساۋدتى قابىلدادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.