اۋدان اكىمى ۆلاديمير دۋدوۆتىڭ ايتۋىنشا, وبلىستىق اكىمدىكتىڭ قورىنان تابيعي اپاتتىڭ زالالىن وتەۋ ءۇشىن 53,5 ميلليون تەڭگە بولىنگەن. بۇدان تىسقارى كومەك قورىنا 19 ميلليون بيۋدجەتتەن تىس قارجى تۇسكەن.
سۋ تاسقىنى كەزىندە رۋزاەۆكا بۇل ەلدى مەكەنىندە 12 ءۇي جارامسىز بولىپ قالعان. ولاردىڭ يەلەرىنە بيۋدجەتتىك جانە بيۋدجەتتەن تىس قارجى ەسەبىنەن باسپانالار مەن پاتەرلەر ساتىپ الىپ بەرىلدى. توتەننەن تونگەن وقيعا كەزىندە ەلۆيرا سەرالينا قۇجاتتارىن عانا الىپ ۇلگەرگەن, دۇنيە-مۇلكىن سۋ اعىزىپ اكەتكەن. ەندى جاڭا ءۇيدىڭ كىلتى تابىس ەتىلدى.
ء«ۇيىمىز ۇلكەن, كەڭ, ءارى بارلىق جاعداي جاسالعان: كولىكجاي, مونشا, باقشا بار. ءۇيدىڭ بۇرىنعى يەسى بىزگە بارلىق جيھازدار مەن تەحنيكانى قالدىرىپ كەتتى. بىزگە قولۇشىن سوزعان بارلىق ادامدارعا العىس ايتامىز», - دەيدى سەراليندەر وتباسى. ليليا افاناسەۆا دا جاڭا پاتەردە قونىس تويىن تويلادى. جالعىزىلىكتى ايەلگە ءبىر بولمەلى پاتەر ءتيدى.
ال, قايىرىمدىلىق ءىس-شارالاردان جينالعان 9 ميلليون تەڭگە ازىق-ت ۇلىك, كيىم-كەشەك, اياق-كيىم, قۇرىلىس ماتەريالدارى, تۇرمىستىق تەحنيكا ساتىپ الۋعا جۇمسالدى. رۋزاەۆكا اۋىلدىق وكرۋگىنىڭ اكىمى يگور كوبيالكونىڭ ايتۋىنشا, اۋىلدا 88 وتباسى قيىن جاعدايعا تاپ بولعان.
ع.مۇسىرەپوۆ اتىنداعى اۋداندا سۋ تاسقىنى كەزىندە 120 ءۇيدى سۋ شايىپ كەتكەن.
ءومىر ەسقالي.
«ەگەمەن قازاقستان».