ءبىر جاعىنان بيۋتي يندۋستريا جاھاننىڭ كوزقاراسىن تەڭەستىرەتىن ءبىر تەتىك. ءتىپتى, بيزنەستىڭ بۇل سالاسى سول عالامداسۋدىڭ بۇلكىلدەپ تۇرعان كۇرەتامىرى دەسەك تە بولادى. مىسالى, سوڭعى ون جىلدا ارىق قىزدار ترەندكە اينالدى. سونىڭ ارقاسىندا ديەتولوگتارعا, فيتنەس زالدارعا, ارىقتاۋعا ارنالعان ءدارى-دارمەك وندىرۋشىلەرگە تولاسسىز ءناسىپ تابىلدى. سول ءسان بيكەشتەرشە بويانۋ مەن كيىنۋ, سوڭعى ترەندتەن قالماۋ, برەندتەردى تۇگەندەۋ – وسى كاسىپتى ۇلكەن يندۋستريا دەڭگەيىنە دەيىن ءوسىرىپ جىبەرگەن. پسيحولوگتار جارنامانىڭ ەرلەرگە قاراعاندا ايەلدەرگە ءوتىمدى ەكەنىن باياعىدا دالەلدەگەن. ال قىراعى كوزدى ماسس-ماركەت بۇل مۇمكىندىكتى جىبەرە قويمايدى. سونىڭ ارقاسىندا بۇگىنگى ايەلدەر دۇنيەنى داعدارىس تۇگىلى اجداھا جۇتقالى تۇرسا دا, بويانۋىن توقتاتپايتىن دارەجەگە جەتتى. بوياۋمەن بىرگە تۋماق جوق, بىراق جانىن بەرۋگە دەيىن باراتىن نازىك جاندىلار بار. نازىك جاندى دەمەكشى, يندۋستريا جاساۋشىلار نازىك پسيحيكانىڭ وسال تۇستارىن باياعىدا-اق تورعا ءتۇسىرىپ قويعان. بىراق بۇل دا ءبىر قۇمار ويىن سەكىلدى ادام پسيحيكاسىنا اسەر ەتۋ ارقىلى اقشا جاساۋ ەكەندىگىن ءتىس جارىپ ەشكىم ايتقىسى كەلمەيدى. نەسى بار؟ سۇلۋ بولعان جامان با؟ بىرىنەن ءبىرى ءوتىپ تۇرعان سۇلۋلىق جەر دەگەن عالامشاردىڭ ماڭدايىنا تار كەلەدى دەيسىڭ بە؟ بۇل beauty يندۋسترياعا قىسقاشا عانا شولۋ بولسىن. ەندى وسى سالانىڭ بۇگىنگى تىنىسىنا توقتالايىق.
بيۋتي ترەند الەمدىك دەڭگەيدەگى ۆيزاجيستەر بيىل بيكەشتەرگە بويانعاندا الپەتتەگى تابيعي رەڭكتى ساقتاۋعا ءمان بەرۋگە كەڭەس بەرەدى. جانە كاسىبي ماكياج – قيىن دەگەن قاعيدانى ۇمىتاتىن كەز كەلدى. قولجەتىمدى بوياۋلارمەن-اق بەت مۇشەلەرىن ايقىنداپ شىعۋعا بولادى. قازىر ەرىندە ۇزاق ساقتالاتىن قارىنداش پەن سۋ قۇرامدى سۇيىق حايلايتەرلەر ترەندكە اينالعان. ەگەر تونالدى كرەمدى سۋ قۇرامدى حايلايتەرگە ارالاستىرىپ جاقسا, جوعارىدا ايتقان تابيعي قابات تۇزىلگەن بولار ەدى. بۇل تاجىريبە ۆيزاجيستەر تاراپىنان تەكسەرىلگەن. ال قىزعىلت ءتۇستى دالاپتاردىڭ ءساندى ەكەنىن ايتۋدىڭ ءوزى ارتىق شىعار. نەگە دەسەڭىز, باياعى تابيعيلىقتىڭ سانگە كىرگەنىن كولدەنەڭ تارتامىز. سودان سوڭ ءبىر تالداپ جابىستىراتىن كىرپىكتەر, لەنتالى كىرپىكتەرگە ورنىن بەردى. لەنتالى كىرپىكتەر ادامنىڭ ءوز كىرپىگىنە زيانىن تيگىزبەيدى. سوسىن ءۆيزاجيستىڭ كومەگىنسىز, ءوزىڭىز جابىستىرىپ, الىپ تاستاۋىڭىزعا بولادى. سول سياقتى سوياۋداي تىرناقتار دا ساننەن قالدى. ەندى تىرناقتى وسىرمەي, ونى اشىق قىزعىلت, سارى, ياكي كوگىلدىر تۇسكە بوياعان دۇرىس.
جازدا قالاي بويانۋ كەرەك؟ جازدىق ماكياجدا ەرىندى قانىق تۇستەرمەن بوياۋدان قورىقپاۋ قاجەت. ەرىن بوياعى ۇزاق كۇنگە ساقتالۋ ءۇشىن تينتتەردى پايدالانسا بولادى. تينت كورەيلەر ويلاپ تاپقان ترەند. قۇرامىنداعى بوياۋشى پيگمەنت تەرىگە تەز ءسىڭىپ, 10 ساعات بويى ەرىن بويالعانداي القىزىل تۇسكە ەنەدى. كەيىنگى كەزدە ۆيزاجيستەر قاۋىمى ءتينتتى وڭلىك (رۋميانا) رەتىندە بەتكە دە جاعىپ ءجۇر. الەمدىك بيۋتي بلوگەرلەر تينتكە انىقتاما بەرگەندە دالاپ جانە وڭلىك قىزمەتىن اتقاراتىن كوسمەتيكالىق توڭكەرىس دەگەندى ءجيى جازۋدا. ال تەرىنى كۇننەن قورعاۋ ءۇشىن SPF كرەمدەرىن پايدالانعان دۇرىس. SPF كرەمدەرىن ۋلتراكۇلگىن ساۋلەلەردەن قورعايدى. ولاردىڭ قۇرامىنا قاراي, قورعاۋ قۋاتى دا ءارتۇرلى بولادى.
ۇزىن كويلەكپەن كروسسوۆكا كيگەن ەرسى ەمەس ۇزىن كويلەكتەر مەن بەلدەمشەلەر بيكەشتەردى سۇلۋ ءارى تارتىمدى ەتىپ كورسەتەدى. ال وسى كيىمدەردى كەدامەن نەمەسە كروسسوۆكامەن كيۋگە بولاتىنىن بىلەسىز بە؟ ارينە, فيتنەسكە بارعاندا نەمەسە مارافونعا كيەتىن كروسسوۆكانى ۇزىن بەلدەمشەمەن كيۋگە كەلمەيدى. كويلەكپەن كيەتىن اياقكيىمنىڭ بۇل ءتۇرى سۇيكىمدى ءارى سۇيىرلەۋ كەلەدى.
كەجۋال دەگەن نە؟ كەجۋال (Casual اعىلشىن ءسوزى) ىڭعايلىلىق پەن ەركىن قوزعالىپ تۇرۋعا نەگىزدەلىپ تىگىلگەن كيىم. بۇل ستيل ءتۇرى حح عاسىردا ەۋروپادا پايدا بولعان. كلاسسيكا مەن سپورتتىق ءستيلدىڭ ۇيلەسكەن ءتۇرىن كەزىكتىرسەڭىز كەجۋال دەپ ۇققايسىز. كروسسوۆكا مەن كويلەك كيۋ دە وسى ءستيلدىڭ بەلەڭ الا باستاعانىن بايقاتادى. قازاقستانداعى بيۋتي يندۋستريا نارىعى سوڭعى 5 جىلدا 15,8 پايىز ءوسىپتى (Forbes جۋرنالىنىڭ مالىمەتى). دەمەك بۇل بيزنەستىڭ بولاشاعى ءالى الدا دەگەن ءسوز. داعدارىسقا دەس بەرمەيتىن ەكونوميكانىڭ بۇل سالاسىن دۇرىستاپ قولعا السا, پايداعا كەنەلۋگە بولادى. ونىڭ ۇستىنە, بەتمايلار مەن بوياۋلاردى جاساۋ بارىسىندا ازيالىق, شىعىستىق بولمىس دەگەن تۇسىنىك بار. وسى تۇرعىدان العاندا ءوزىمىزدىڭ تابيعي ونىمدەردەن الىنعان كوسمەتكالىق ءونىم, ءبىزدىڭ تابيعاتىمىزعا جاقىن بولماق.
ءسان الەمىنە ساياحات جاساعان اينۇر تولەۋ