«كەڭەس حالىقارالىق قاتىناستار سالاسىنداعى وتاندىق ساراپشىلاردى بىرىكتىرۋ جانە پرەزيدەنت نۇرسۇلتان نازارباەۆتىڭ ماڭىزدى باستامالارىن ىلگەرىلەتۋ, سونداي-اق جاھاندىق تۇرعىداعى كۇن تارتىبىندە تۇرعان ەڭ وزەكتى ماسەلەلەردى تالقىلاۋ جانە ۇسىنىستار ازىرلەۋ ءۇشىن قۇرىلدى», – دەلىنگەن پارلامەنت سەناتى ءباسپاسوز قىزمەتىنىڭ اقپاراتىندا. «الەم دامۋىنداعى اعىمداردى جان-جاقتى ءارى تەرەڭ تالداۋ نەگىزىندە كەڭەس قازاقستاننىڭ سىرتقى ساياساتىنداعى نەگىزگى ماسەلەلەر بويىنشا يننوۆاتسيالىق قادامدار ازىرلەيتىن الاڭ بولۋى ءتيىس», – دەپ اتاپ ءوتتى قاسىم-جومارت توقاەۆ. حالىقارالىق قاتىناستار كەڭەسى قىزمەتىنىڭ نەگىزگى باعىتتارى بيىل بەلگىلەندى. شەتەلدىك ارىپتەستەردىڭ قاتىسۋىمەن ساراپشىلار فورۋمىن وتكىزۋ, زەرتتەۋ گرانتتارى مەن ستيپەنديالارىن تاعايىنداۋ, سونداي-اق جاس ساراپشىلارعا ارنالعان جازعى مەكتەپ ۇيىمداستىرۋ جوسپاردا تۇر. ساياساتتانۋشى ەرلان كارين كەڭەستىڭ توراعاسى بولدى. سىرتقى ىستەر ءمينيسترى قايرات ءابدىراحمانوۆ, پارلامەنت ءماجىلىسى حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ وتاندىق جەتەكشى تالداۋ ورتالىقتارىنىڭ باسشىلارى كەڭەس تورالقاسىنىڭ قۇرامىنا ەندى.
توقاەۆ حالىقارالىق قاتىناستار كەڭەسىنىڭ قۇرمەتتى توراعاسى بولىپ سايلاندى
440 رەت
كورسەتىلدى
قازاقستاننىڭ حالىقارالىق قاتىناستار جونىندەگى كەڭەسىنىڭ قۇرىلتاي جينالىسىندا پارلامەنت سەناتىنىڭ توراعاسى قاسىم-جومارت توقاەۆ وسى بىرلەستىكتىڭ قۇرمەتتى توراعاسى بولىپ سايلاندى, دەپ حابارلايدى قازاقپارات.