قىزىلجار وڭىرىندە كەكۋشينكاي كاراتەدەن وتكەن رەسپۋبليكالىق اشىق چەمپيوناتقا كەلگەن جاس سپورتشىلاردىڭ ءبىر توبى كەشكى استان ۋلانىپ قالدى. بۇل تۋرالى وبلىستىق قوعامدىق دەنساۋلىقتى ساقتاۋ دەپارتامەنتى باسشىسى تاتيانا گورلوۆا مالىمدەدى.
ونىڭ ايتۋىنشا, كاراتەشىلەر پەتروپاۆل قالاسىنداعى ءدامحانالاردىڭ بىرىندە كەشكى اس ىشكەننەن كەيىن وزدەرىن وتە جايسىز سەزىنگەن. العاشقىدا 9-17 جاس ارالىعىنداعى 11 سپورتشى وتكىر ىشەك ينفەكتسياسىن جۇقتىردى دەگەن كۇدىكپەن دەرەۋ №3 اۋرۋحاناعا جاتقىزىلعان. ەپيدەمياعا قارسى شارالار جەدەل ۇيىمداستىرىلىپ, ازىق-ت ۇلىكتەن سىناما الىنعان. ءدامحانا قىزمەتكەرلەرى تەكسەرۋدەن ءوتتى. كەيىن اۋرۋحاناعا جەتكىزىلگەن ناۋقاستاردىڭ سانى 25-كە جەتتى.
«بالالار بىرنەشە كۇن ءتيىستى ەم-دوم العان سوڭ تۇگەلدەي ۇيلەرىنە قايتارىلدى», دەدى اۋرۋحانانىڭ باس دارىگەرى ەرجان ابۋعاليەۆ.
تالداۋدىڭ ناقتى ناتيجەلەرى تاياۋ كۇندەرى بەلگىلى بولادى.
ءومىر ەسقالي
سولتۇستىك قازاقستان وبلىسى.