بىلىمدە اقپاراتتىق-كوممۋنيكاتسيالىق تەحنولوگيالاردى ءتيىمدى قولدانۋ, جاڭا تەحنولوگيالاردى جاساۋ جانە تاراتۋ, يننوۆاتسيالاردى ورىستەتۋ جانە ىنتالاندىرۋ – ءححى عاسىرداعى الەمدىك ءبىلىم بەرۋ جۇيەسى دامۋىنىڭ نەگىزگى باسىمدىقتارىنىڭ ءبىرى. سوندىقتان دا ەلىمىزدىڭ كوپتەگەن مەكتەپتەرىندە ءبىلىم بەرۋدى اقپاراتتاندىرۋ ماسەلەسى قولعا الىنۋدا. ونى جولعا قويىپ جاتقان مەكتەپتەر قاتارىندا ءبىزدىڭ «ءححى عاسىردىڭ تاڭداۋلى اۋىل مەكتەبى» دەگەن اتاۋمەن رەسپۋبليكاعا تانىمال ماڭعىستاۋداعى مارشال ابدىحالىقوۆ ورتا مەكتەبى دە بار.
مەكتەپتەگى وقۋشى سانى 1200-گە جۋىق. ولارعا ءبىلىم مەن تاربيە بەرەتىن 140-تان استام ۇستازدىڭ 92-ءسى جوعارى ءبىلىمدى. مەكتەپتەگى پەداگوگيكالىق ماماندار قاتارى ءوز تۇلەكتەرi ەسەبiنەن تولىقتىرىلىپ وتىرادى. بۇل مەكتەپ ۇجىمىنىڭ وقۋشىلارعا كاسiبي باعدار بەرۋ iسiندەگi ۇلكەن ۇيىمداستىرۋشىلىق جۇمىسىنىڭ ناتيجەسi دەسەك, ارتىق ەمەس. مەكتەپتە 2 كومپيۋتەر, 2 مۋلتيمەديا كابينەتى بار. جاراتىلىستانۋ باعىتىنداعى نەگىزگى پاندەر بولىپ ەسەپتەلەتىن فيزيكا, بيولوگيا كابينەتتەرى قازىرگى زامان تالابىنا ساي جاساقتالعان. بۇل كابينەتتەردە وقۋشىلاردىڭ ءوز بەتىنشە ىزدەنۋى, عىلىمي جوبالارمەن اينالىسۋى, پاندىك وليمپيادالارعا دايىندالۋى ءۇشىن بارلىق قولايلى جاعداي جاسالعان. فيزيكا مەن بيولوگيا ءپانى تەرەڭدەتىلگەن باعدارلامامەن وقىتىلاتىن cىنىپتاردا ءاربىر ساباق اقپاراتتىق تەحنولوگيانى ءتيىمدى پايدالانۋ ارقىلى ءجۇرگىزىلەدى. بۇل ءادىستىڭ ءبىلىم ساپاسىن ارتتىرۋعا ىقپالى زور ەكەندىگىن بىلىكتى ۇستازدار ءوز ءتاجىريبەلەرى ارقىلى بايقاۋدا. مەكتەپ ۇستازدارىنىڭ بارلىعى دا وقۋشىمەن جەكە جۇمىس بارىسىندا اقپاراتتىق تەحنولوگيانى بەلسەندى تۇردە قولداناتىن, ءبىلىم مەن عىلىم جاڭالىقتارىمەن ءاردايىم تانىسىپ وتىرۋدان جالىقپايتىن, ىزدەنىمپاز مۇعالىمدەر. اتاپ ايتساق, بيولوگيا ءپانىنىڭ مۇعالىمى, قر ءبىلىم بەرۋ ءىسىنىڭ وزىق قىزمەتكەرى, ارداگەر ۇستاز كۇلان بەكوۆانىڭ شاكىرتتەرى ءبىلىمنىڭ بيىك شىڭدارىنان كورىنىپ, ساپالى بەرىلگەن ءبىلىمنىڭ ءناتيجەسىن ءار سالادا دالەلدەپ ءجۇر.
ءبىلىمدى جاڭاشا بەرۋ مۇمكىندىكتەرىن جاساۋ, ءبىلىمدى قابىلداۋ, وقۋ-تاربيە ۇردىسىندە وقۋشىنىڭ جەكە تۇلعاسىن جان-جاقتى قالىپتاستىرۋ ءۇشىن اقپاراتتىق تەحنولوگيانى قولدانۋدى باستى نازاردا ۇستايتىن مەكتەپتىڭ ءاربىر ۇستازى كۇندەلىكتى ساباقتا كومپيۋتەر, ينتەراكتيۆتى تاقتانى تۇراقتى پايدالانۋمەن قاتار, ەلەكتروندى وقۋلىق جانە ينتەرنەت ماتەريالدارى ارقىلى وقۋشىنىڭ پانگە دەگەن ىنتاسىن ارتتىرا تۇسەدى. سونىڭ ناتيجەسى رەتىندە مەكتەپ وقۋشىلارى وبلىستىق, رەسپۋبليكالىق ءپان وليمپيادالارى, عىلىمي جوبالار بايقاۋلارى, دەلفيلىك ويىندار, «ۇزدىك تۇساۋكەسەر» بايقاۋلارى سياقتى ءبىلىم دودالارىندا ايتارلىقتاي جەتىستىكتەرىمەن كوزگە ءتۇسىپ كەلەدى. بيىلعى وقۋ جىلىندا گەوگرافيا پانىنەن رەسپۋبليكالىق عىلىمي جوبالار بايقاۋىندا 11 سىنىپ وقۋشىسى ەرجان ماكەنوۆ ءبىرىنشى جۇلدە يەگەرى اتاندى. پاندىك وليمپياداعا دايىندالۋدا وقۋشىلارىمىز ينتەرنەت جۇيەسىن تۇراقتى تۇردە پايدالانۋىنا تولىق جاعداي جاسالعان.
وزگەلەردى ۇيرەتەتىن ۇستازدار وزدەرى ۇيرەنۋدەن دە قاشپايدى. مەكتەپتىڭ ۇستازدار قاۋىمى ونلاين ساباقتار ارقىلى وبلىس, رەسپۋبليكا مۇعالىمدەرىمەن تاجىريبە الماسۋدى ءداستۇرگە اينالدىرعان. بۇگىنگى كۇنى ءبىلىم جۇيەسىنە جاڭا باعىت بەرۋدە اقپاراتتىق جۇيەلەرمەن تولىقتىرۋدىڭ, مۋلتيمەديا, ينتەراكتيۆتى قۇرالداردى ساباق ۇردىسىنە تۇراقتى قولدانۋدىڭ ماڭىزدىلىعىن جەتە تۇسىنگەن ۇجىم ۇستازدارى ماڭعىستاۋ وبلىستىق مۇعالىمدەردىڭ بىلىكتىلىگىن ارتتىرۋ ينستيتۋتى جانىنداعى «ينتەراكتيۆتى تاقتا جانە مۋلتيمەديانى پايدالانۋ» كۋرسىنان ءوتىپ, ۇيرەنگەن ادىستەرىن ساباق پەن ساباقتان تىس شارالاردا ءتيىمدى پايدالانىپ وتىرادى.
وقۋ تاربيە ۇردىسىنە اقپاراتتىق تەحنولوگيالاردى ەنگىزۋدە ۇزدىكسىز ەڭبەكتەنەتىن, جوعارى بىلىكتىلىككە يە مامانداردىڭ ورنى ەرەكشە ەكەندىگى بارشاعا ايان. وسىعان بايلانىستى اتالمىش ءبىلىم ورداسىنىڭ ۇستازدارى, جىل سايىن وتكىزىلەتىن وبلىستىق «التىن ديسك» بايقاۋىنىڭ جۇلدەگەرلەرى گۇليما قاباقوۆا, جاننا قاراجانوۆالار ءوز ءىس-تاجىريبەلەرىندە ەلەكتروندى وقۋلىقتار قۇراستىرۋمەن اينالىسىپ, ولاردى ساباقتا ءتيىمدى پايدالانادى.
وسىلايشا جاڭالىققا جانى قۇمار, جاس ۇرپاققا جاڭاشا باعىتتا ءبىلىم بەرۋدى ماقسات ەتكەن ۇستازدار ۇجىمى ءاردايىم جەمىستى ەڭبەك ەتۋدە.
روزا بايمانوۆا, مارشال ابدىحالىقوۆ ورتا مەكتەبىنىڭ ادىسكەرى.
ماڭعىستاۋ وبلىسى,
تۇپقاراعان اۋدانى.