قازىرگى ۋاقىتتا مونوپولياعا قارسى اگەنتتىك قازاقستان رەسپۋبليكاسىنىڭ مونوپولياعا قارسى زاڭنامالارىنىڭ بۇرمالانۋى بويىنشا «استاناەنەرگوسبىت» جشس-عا قاتىستى تەرگەۋ پروتسەدۋرالارىن جۇرگىزۋدە, دەپ حابارلايدى وسى اگەنتتىكتەن.
جۇرگىزىلگەن تەرگەۋلەر بارىسىندا جشس-ءنىڭ اقىسىن تولەپ تۇرعان, قىزمەت كورسەتۋشى كاسىپورىن الدىندا ەلەكتر ەنەرگياسى ءۇشىن ەش بەرەشەگى جوق تۇتىنۋشىنى ەلەكتر قۋاتىنان اجىراتىپ تاستاۋ جاعدايلارىنىڭ ورىن العانى انىقتالىپ وتىر. وسىعان بايلانىستى اگەنتتىك جشس-ءنىڭ ونداي ءىس-ارەكەتىن ءوز ۇستەمدىگىن اسىرا پايدالانۋ دەپ باعالاۋدا.
وسىنداي جايتەردى ەسكەرە كەلىپ, اگەنتتىك جۇرگىزىلىپ جاتقان تەكسەرۋ كەزىندە ەسكەرۋ ءۇشىن اتالعان جشس قىزمەتىنە وكپە-رەنىشتەرى بار ازاماتتاردىڭ مونوپولياعا قارسى اگەنتتىكتىڭ استانا قالالىق اۋماقتىق بولىمشەسىنە (بەيبىتشىلىك كوشەسى, 4-ءۇي, 4-قابات, 40-كابينەت) تەل. 75-24-49 حابارلاسۋلارىن سۇرايدى.