جاڭا...

...اكىم تاعايىندالدى اقتوبە قالالىق ءماسلي­حا­تى­نىڭ كەلىسىمىمەن نۇرمۇ­حام­بەت ابدىبەكوۆ اقتوبە قالا­سى­نىڭ اكىمى قىزمەتىنە كىرىستى. ءماس­كەۋ تاۋ-كەن ينستيتۋتىن تاۋ-كەن ينجەنەرى ماماندىعى بويىنشا بىتىرگەن ول ەڭبەك جولىن 1984 جىلى ءشيلىساي فوسفوريت كەنىشىندە باستادى. ءار جىلدارى اقتوبە وبلىس­تىق ونەركاسىپ جانە ساۋدا باس­قارماسىنىڭ ءبولىم باستىعى, وبلىستىق ەكونوميكا باسقار­ما­سىنىڭ باستىعى, وبلىستىق ەكونوميكا جانە ينديكاتيۆتى جوسپارلاۋ دەپارتامەنتىنىڭ دي­­رەك­تورى, اتىراۋ وبلىستىق ەكو­نوميكا جانە كاسىپكەرلىكتى قولداۋ باس باسقارماسىنىڭ باس­تىعى, اقتوبە وبلىسى اكى­مى­نىڭ ورىنباسارى, ۇلتتىق عا­رىش اگەنتتىگى دەپارتامەن­تى­نىڭ ديرەكتورى, يندۋستريا ءجا­نە ساۋدا مينيسترلىگى ونەركا­سىپ كوميتەتىنىڭ توراعاسى, 2010 جىل­دىڭ ساۋىرىنەن يندۋستريا ءجا­نە جاڭا تەحنولوگيالار ۆيتسە-ءمينيسترى بولىپ ىستەگەن. ساتىبالدى ءساۋىرباي, اقتوبە وبلىسى.   ...ورىنباسار قىزمەتكە كىرىستى وبلىس اكىمىنىڭ الەۋمەتتىك ماسەلەلەرگە باسشىلىق جا­ساي­تىن ورىنباسارىنىڭ ور­ىن­تاعى ءبىر ايعا جۋىق بوس تۇردى. بۇرىن بۇل قىزمەتتى اتقارعان سەرىك امانعاليەۆ باسقا قىز­مەتكە اۋىسقان ەدى. سونان كەيىن جۇرتشىلىق اراسىندا بۇل ورىنعا تاعايىندالۋى مۇمكىن بىرنەشە ادامنىڭ اتى-ءجونى اتالىپ قالدى. دەگەنمەن, ءوت­كەن اپتادا اكىمنىڭ جاڭا ور­ىنباسارى لاۋازىمىنا اسقار كەرىموۆتىڭ تاعايىندالعانى ءجو­­نىندە ءوڭىر باسشىسىنىڭ وكى­مى جاريا ەتىلدى. ءوڭىر با­سشىسى ا.كەرىموۆتى وبلىستىق اكىمدىك اپپاراتىنا, باسقار­ما­لار باس­شى­لارىنا تانىستىردى. وتىز ءبىر جاستاعى جىگىت وسى كەزگە دەيىن وبلىستىق اكىم­­دىك اپپاراتىنا ەكى جىل­داي باس­شى­لىق جاسادى. ونىڭ الدىن­دا وبلىستىق جۇمىسپەن قامتۋ­دى ۇيلەستىرۋ جانە الەۋ­مەتتىك باعدارلامالار باسقار­ما­سىنىڭ باستىعى لاۋازى­مىن­دا بولعان ەدى. زاڭگەر ما­ماندىعىن مەڭ­گەر­گەن ا.كەرىموۆ پروكۋراتۋرا سالاسىندا دا تاجىريبە جي­ناقتاعان. جولداسبەك شوپەعۇل, اتىراۋ وبلىسى.   ...ماكارون فابريكاسى سەمەيدە ەلىمىزدىڭ ين­دۋس­تريالاندىرۋ كارتاسىمەن ءبۇ­گىنگى كۇننىڭ وزىق تەحنو­لو­گيا­سىمەن جابدىقتالعان «تاماشا» دەپ اتالاتىن ماكارون فاب­ريكاسىنىڭ قاتارعا قوسىل­عانىنا كوپ ۋاقىت وتكەن جوق. تاۋلىگىنە 20 توننا ماكارون ءون­ىمدەرىن شىعاراتىن جاڭا كاسىپورىن بۇگىندە تولىق قۋا­تىندا جۇمىس ىستەپ تۇر. مۇن­دا 50 ادام جۇمىسپەن قامتا­ما­سىز ەتىلگەن. ەندىگى ماسەلە ءونىمدى وتكە­رۋ­گە كەلىپ تىرەلۋدە. سوندىق­تان ەلىمىزدىڭ كۇش قۇرىلىم­دارى ارزان دا ساپالى ونىمگە تاپسىرىس بەرىپ جاتسا, كانەكي. داۋلەت سەيسەن ۇلى, سەمەي.