حالىق ومىرىنە زاماناۋي تەحنيكالىق قۇرالدار بەرىك ەنە باستادى. وسىعان بايلانىستى الىس ەلدى مەكەندەردىڭ وزىندە تۇرعىندار تەلەفون بايلانىسىن ءتيىمدى پايدالانىپ, ينتەرنەتكە دە يەك ارتىپ وتىر. ماسەلەن, وبلىستى 1 ميلليون 800 مىڭ حالىق مەكەندەسە, ولارعا 346 اتس (52 انالوگتىق, 294 ساندىق) ستانسا قىزمەت كورسەتۋدە. ال الاكول اۋدانىنداعى 78 مىڭ تۇرعىنعا 43 اتس (18 ساندىق, 2 WLL CDMA 450, 23 Sky Edge Sky Star جەرسەرىك ستانسالارى) قىزمەت كورسەتەدى ەكەن. الاكولدىك ستانسالاردىڭ 19-ى اۋىلدىق جەرلەردە ورنالاسسا, وسى قىزمەت ءتۇرىنە كەزەككە تۇرعاندار ءالى دە بار.
وسىدان ەكى اي بۇرىن الاكول اۋدانى, قابانباي باتىر اۋىلىنىڭ تۇرعىندارى اسحات پەن جۇماگۇل مۇسابەكوۆتەردىڭ وتباسى تەلەفون ورناتۋعا تاپسىرىس بەرىپتى. كوپ كەشىكپەي «قازاقتەلەكوم» اق فيليالى تەلەكوممۋنيكاتسيا جەلىسىنە ءۇش ءجۇز مىڭىنشى ابونەنت رەتىندە تىركەلگەن وتباسىن قۇتتىقتاعان. ءتىپتى, وبلىستىق تەلەكوممۋنيكاتسيالار ديرەكتسياسىنىڭ باس ديرەكتورى جەكسەنباي مەيرەمباەۆ پەن اۋدان اكىمى الىبەك جاقانباەۆ ارنايى كەلىپ, بازارلىقتارىن جەتكىزدى.
– بىرنەشە جىل بۇرىن بايلانىس جەلىمىزگە ءجۇز مىڭىنشى ابونەنت قوسىلعاندا قۋاندىق. مىنە, بۇگىن قاتارىمىزعا ءۇش ءجۇز مىڭىنشى ابونەنت قوسىلىپ وتىر. بۇل ەڭبەگىمىزدىڭ جەمىسى, – دەگەن ج. مەيرەمباەۆ وتباسىنا سۇيىق كريستالدى تەلەديدار, تەلەفون بايلانىسى مەن كەڭجولاقتى ينتەرنەتتى جانە ءىD TV-ءدى تەگىن ورناتۋ مۇمكىندىگىنە يە سەرتيفيكاتتى قوسا تاپسىردى.
قابانباي اۋىلدىق بولىمشەسىنىڭ ەلەكترومەحانيگى يگىلىك اكىشتاي بىردەن تەلەديداردى قۋات كوزىنە قوسىپ, ءىD TV-مەن قالاي جۇمىس ىستەۋ كەرەكتىگىن كورسەتتى. ءۇيدەگى كومپيۋتەرگە ينتەرنەت تە قوسىلدى. ورناتىلعان تەلەفونمەن جۇماگۇل تۋىستارىنا حابارلاسىپ جاتتى.
وتباسىندا ءۇش بالا تاربيەلەنۋدە. مەكتەپتە وقيتىن بالالارى ينتەرنەتتىڭ قوسىلعانىنا ريزا. ال كەنجەلەرى تەلەديداردان «بالاپان» باعدارلاماسىن تاماشالاپ ءماز.
جۇماگۇل بولسا ەندى تۋعان-تۋىستارىمەن حابارلاسۋىنا, بالالارىنىڭ ينتەرنەت ارقىلى الەمدەگى جاڭالىقتاردان حاباردار بولۋىنا مۇمكىندىك تۋعانىن ايتادى.
قابانبايلىقتار وسىلاي قۋاندى.
كۇمىسجان بايجان,
الماتى وبلىسى.