ەلباسى, «نۇر وتان» پارتياسىنىڭ توراعاسى نۇرسۇلتان نازارباەۆ جاستاردىڭ ماسەلەلەرىن باستى نازارىندا ۇستاپ, ولاردىڭ قازاقستان دامۋىنداعى كوشباسشىلىق ءرولىن ۇنەمى اتاپ كەلەدى. سونداي-اق جاستارمەن جۇمىس «نۇر وتان» قىزمەتىنىڭ باستى باعىتتارىنىڭ ءبىرى بولىپ تابىلادى.
كەشە وتكىزىلگەن «نۇر وتان» پارتياسى توراعاسىنىڭ ءبىرىنشى ورىنباسارى نۇرلان نىعماتۋليننىڭ جاستار ۇيىمدارى مەن وداقتارىنىڭ كوشباسشىلارىمەن, جاس كاسىپكەرلەرمەن جانە پارتيالىق جوبالاردىڭ قاتىسۋشىلارىمەن كەزدەسۋى بارىسىندا وسى جانە باسقا دا باعدارلامالار, سونىمەن قاتار, جاس بۋىندى تولعاندىراتىن ماڭىزدى ماسەلەلەردىڭ بولاشاعى جايلى ءسوز بولدى. حالىقارالىق جاستار كۇنى قارساڭىندا وتكىزىلگەن بۇل كەزدەسۋ قازاقستان تاۋەلسىزدىگىنىڭ 20 جىلدىعىنا ورايلاستىرىلدى.
كەزدەسۋگە قاتىسۋشىلار الدىندا ءسوز العان نۇرلان نىعماتۋلين ەلباسىمىز, «نۇر وتان» پارتياسىنىڭ توراعاسى نۇرسۇلتان نازارباەۆ جاس تۇلعانىڭ ءۇيلەسىمدى دامۋىنا بارىنشا جاعداي جاساپ كەلە جاتقانىن اتاپ ءوتتى. بۇگىنگى كۇنى جاس قازاقستاندىقتار دا قازاقستان دامۋىنا زور ۇلەس قوسۋدا. ولار ەلدىڭ قوعامدىق-ساياسي ءومىرىنە دە, ۇدەمەلى يندۋستريالىق-يننوۆاتسيالىق باعدارلامانى ءجۇزەگە اسىرۋعا دا, عىلىمي-زەرتتەۋ جۇمىستارىنا دا اتسالىسۋدا.
كەزدەسۋ قىزىقتى ءارى مازمۇندى ءوتتى. باعدارلاماعا قاتىسۋشىلار ولاردىڭ ماڭىزدىلىعى مەن ۋاقىتىلى وتكىزىلگەندىگىن اتاپ كورسەتتى. سەبەبى, جوبالاردىڭ ءارقايسىسى ەڭ الدىمەن ەلىمىزدىڭ جاس بۋىنىنىڭ دامۋىنا, وعان قولداۋ كورسەتۋگە جانە جاستاردىڭ ءوز مۇمكىندىگىن تولىق پايدالانۋىنا ارنالعان. تەك ءبىر عانا رەسپۋبليكالىق «ديپلوممەن – اۋىلعا» پارتيالىق جوباسىنا مىڭداعان جاس ماماندار اتسالىستى. جالپى, جوبا ىسكە اسىرىلا باستاعان ۋاقىتتان بەرى 13 مىڭنان استام جاس اۋىلعا قىزمەت ەتۋ ءۇشىن كەلدى.
«ەگەمەن-اقپارات».