دالالىق لاگەر شاعىن قالاشىققا ۇقسايدى

30 تامىز – قازاقستان رەس­پۋبليكاسىنىڭ كونستيتۋ­تسيا­سى كۇنى استاناداعى «قازاق ەلى» مونۋمەنتى جانىنداعى باس الاڭدا اسكەري شەرۋ وتەدى. شەرۋ ەل تاۋەلسىزدىگىنىڭ 20 جىل­دىعى مەن قازاقستان رەس­پۋب­ليكاسى كونستيتۋتسيا­سىنىڭ 16 جىلدىعىنا ارنال­عان. وعان قاتى­سۋ­عا قازىردىڭ وزىندە ەلورداعا بارلىق گارنيزونداردان, قارۋلى كۇشتەردىڭ وڭىرلىك قولباس­شى­لىقتارىنان ساربازدار مەن ساردارلار كەلدى. شەرۋگە قاتىساتىن اسكەري قىزمەتشى­لەردى ۋاقىتشا شو­عىر­لاندىرۋ ءۇشىن 40-شى رازەز­دەگى 68665 اسكەري ءبولىمنىڭ جا­نىنان دالالىق لاگەر جاساق­تا­لىپ, اسكەريلەر وسىن­دا قو­نىس­تاندى. ال دايىندىق شارا­لارى كۇن سايىن وتكىزىلىپ جا­تىر. دالالىق لاگەردە اسكەري قىزمەتشىلەر ءۇشىن بارلىق جاع­داي جاسالعان. شاتىرلى قالا­شىق قاجەتتى ينفراقۇ­رى­لىم­مەن قامتاماسىز ەتىلگەن. جاۋىنگەرلەر ءۇشىن دالالىق اسحانا جابدىقتالىپ, ءۇش مەزگىل تاماقتاندىرۋ جاعى ۇيىمداس­تىرىلعان. مەديتسينالىق بەكەتتەر مەن مونشا دا جۇمىس ىستەپ تۇر. سىرتتاي قاراعان­دا, 170-تەن استام شاتىردان تۇراتىن دالالىق لاگەر شا­عىن قالاعا ۇقسايدى. كونستيتۋتسيا كۇنى ەلوردا تۇرعىندارى مەن قوناقتارىنا ءتول اسكەرىمىزدەگى قارۋ-جا­راق­تار مەن جاۋىنگەرلىك تەحنيكا­لاردىڭ سان ءتۇرى كورسەتىلەتىن بولادى. سونداي-اق استانا اس­پا­نىندا اسكەري ۇشاقتار جو­عارى پيلو­تاج­دى ءىس-قيمىلدار جاسايدى. بيىلعى ءاس­كە­ري شەرۋ­دىڭ كەڭ اۋقىمدى ءارى قىزىقتى وتە­تى­نىنە اسكەريلەر سەنىمدى. ويتكەنى, بۇل ءىس-شارا ەل تاۋەل­سىزدىگىنىڭ جەتىستىكتەرىن پاش ەتەدى.               «ەگەمەن-اقپارات». سۋرەتتەردى تۇسىرگەن ەرمەك سارباسوۆ.