گەرمانيا ەۋروپانى سۇيرەپ شىعا الا ما؟
شامامەن 260 ميلليارد ەۋروداي قارجى جۇمسالعان گرەكيا ەكونوميكاسىن قۇتقارۋ جونىندەگى وپەراتسيانىڭ بار بولعانى ەۋروپادا جالعاسىپ جاتقان داعدارىستىڭ جەكەلەگەن كورىنىسى عانا بولۋى مۇمكىن.
كەلەسى كەزەكتە يرلانديا نەمەسە پورتۋگاليا سياقتى شاعىن ەلدەر عانا ەمەس, سونىمەن بىرگە يسپانيا, يتاليا بالكىم, ءتىپتى فرانتسيا سياقتى ەۋرووداقتىڭ ءىرى ەكونوميكالارىنىڭ دا تۇرۋى مۇمكىن. ريا-نوۆوستي اگەنتتىگى ۇيىمداستىرعان ماسكەۋ – بەرلين تەلەكوپىرىندە ساراپشىلار پروبلەمانى شەشۋدىڭ امبەباپ تاسىلدەرىنىڭ جوق ەكەنىن مويىندادى. ەو ەلدەرى, ءبىرىنشى كەزەكتە گەرمانيا گرەكيا ەكونوميكاسىنا ءۇستى-ۇستىنە اقشا جۇمساۋدا. سونىمەن بىرگە گەرمانيانىڭ بۇكىل ەۋروپانى سۇيرەپ شىعا المايتىنى دا بەلگىلى بولىپ وتىر.
ارميا كايردىڭ باس الاڭىن تازارتۋدا
ەلدىڭ ەكس-پرەزيدەنتى حوسني مۋباراكقا سوت پروتسەسى باستالار الدىندا ارميا مەن پوليتسيا قالانىڭ ورتالىق الاڭىن ەرەۋىلشىلەردەن تازارتتى, دەپ جازادى La Stampa گازەتى.
بروندى اسكەري اۆتوموبيلدەر مەن پوليتسيا بولىمدەرى كۇش كورسەتۋ اكتسياسىن وتكىزۋ بارىسىندا تاحرير الاڭىن ەرەۋىلشىلەردەن بوساتتى. وكىمەتتىڭ كۇتپەگەن ءىس-ارەكەتى جۇزدەگەن بەلسەندىلەر تاراپىنان قاتاڭ نارازىلىق تۋعىزىپ, ولار ءتارتىپ ساقشىلارىنا تاس اتقىلادى, دەپ جازادى جوعارىدا اتالعان باسىلىم. وپەراتسيا بارىسىندا اسكەريلەر اسپانعا وق اتىپ, پوليتسيا بولسا, قارسىلىق بىلدىرگەندەرگە رەزەڭكە دۇرە قولدانىپ, قۇرىلعان شاتىرلاردى قۇلاتىپ تاستاعان.
اتوم ەلەكتر ستانسالارى جابىلماقشى
گەرمانيا پرەزيدەنتى كريستيان ۆۋلف ەلدە 2022 جىلعا قاراي بارلىق اەس-تەردىڭ جۇمىس ىستەۋىن توقتاتاتىندىعى تۋرالى زاڭدى بەكىتتى.
مەملەكەت باسشىسى اكىمشىلىگىنىڭ حابارلاۋىنشا, پرەزيدەنت زاڭ جوباسىمەن مۇقيات تانىسىپ, ونىڭ ەلدىڭ كونستيتۋتسياسىنا قايشى كەلمەيتىنىنە كوز جەتكىزگەن. زاڭ تاياۋ كۇندەرى كۇشىنە ەنۋگە ءتيىس. ول 1980 جىلعا دەيىن سالىنعان 8 اەس-ءتى شۇعىل تۇردە جابۋدى قاراستىرادى. قالعان 9 رەاكتور 2015 جىلدان باستاپ 2022 جىلعا دەيىن بىرتىندەپ جابىلاتىن بولادى. ماۋسىم-شىلدە ايلارىندا زاڭ جوباسىن گفر پارلامەنتىنىڭ ەكى پالاتاسى دا بەكىتكەن بولاتىن.
بوسقىندار ب ۇلىنشىلىك ۇيىمداستىردى
افريكادان شىققان بوسقىندار وسى ەلدە تۇرۋعا قاجەتتى قۇجاتتاردىڭ تىم باياۋ بەرىلەتىنىنە نارازىلىق رەتىندە يتاليادا كوتەرىلىس ۇيىمداستىردى.
باري قالاسىندا بۇرق ەتە قالعان تارتىپسىزدىكتەرگە بوسقىندارعا ارنالعان ورتالىقتا ەلدە تۇرۋ ءۇشىن قۇجات الۋ كەزەگىن كۇتىپ جاتقان يمميگرانتتار تۇگەلگە دەرلىك قاتىسقان كورىنەدى. جۇزدەگەن ادام قالا سىرتىنداعى اينالما جولعا شىعىپ, اۆتوكولىكتەر قوزعالىسىن تولىقتاي جاۋىپ تاستاعان. ميگرانتتار اۆتوموبيل دوڭعالاقتارىن, قوقىس سالاتىن جاشىكتەردى ورتەگەن. كوتەرىلىسشىلەر قالاعا العاش كەلگەن پوليتسيا وتريادىنا تاس لاقتىرىپ, ودان كەيىن كەلگەندەردى شابۋىلمەن باسىپ الىپ, ەكى ايەلدى كەپىلدىككە العان كورىنەدى.
فرانتسيا ليۆيالىق وپپوزيتسيانى قارجىلاندىرۋدا
پاريج مۋامار كاددافي مەن ونىڭ اينالاسىنداعىلاردىڭ تىيىم سالىنعان ەسەپ-شوتىنداعى 259 ميلليون دوللاردى ليۆيا وپپوزيتسياسىنا بەرگەن.
فرانتسيا ءسىم وكىلدەرى اقشا گۋمانيتارلىق مۇقتاجدارعا جۇمسالادى دەگەندى ايتۋدا. دەگەنمەن باتىستىق ساراپشىلار قارجىنىڭ ءبىر بولىگىنىڭ قارۋ-جاراققا جۇمسالاتىنىن دا جوققا شىعارماي وتىر. وكىنىشكە قاراي, مۇسىلماندار ءۇشىن قاسيەتتى سانالاتىن رامازان ايىنىڭ باسىندا دا تاياۋ شىعىستا تىنىشتىق ورناي قويعان جوق. جاقىندا كاددافيگە جاقتاس اسكەري بولىمدەر دجوش ەلدى مەكەنىن وپپوزيتسيونەرلەردەن كەرى قايتارىپ العان.
بىشكەك ماناس اتانا ما؟
قىرعىزستاندا ەلدىڭ استاناسى بىشكەكتى ماناس دەپ اتاۋعا قولداۋ كورسەتۋ جونىنەن قول جيناۋ ناۋقانى باستالدى.
«جيۆي كىرگىزستان» پارتياسىنىڭ جەتەكشىسى توكتويم ۋمەتاليەۆتىڭ حابارلاۋىنشا, 1 قىركۇيەككە دەيىن 10 مىڭ قول جيناۋ جوسپارلانىپ وتىر. قالا 1991 جىلدان بەرى بىشكەك دەگەن اتاۋعا يە. دەگەنمەن, اۋە ديسپەتچەرلەرى اۋەجايدىڭ رەسمي اتاۋىنىڭ ماناس ەكەنىنە قاراماستان, ءالى كۇنگە دەيىن تيىسىنشە FRU كودىن پايدالانىپ كەلەدى. سول سياقتى قىرعىزستانداعى امەريكالىق اسكەري بازا دا ماناس دەپ اتالادى.
كەلىمسەكتەر ورىس ءتىلىن ءبىلۋى ءتيىس
رەسەيگە كەلەتىن شەتەلدىك جۇمىسشىلار ورىس ءتىلىن بىلەتىندىگىن دالەلدەيتىن ەمتيحان تاپسىرۋى ءتيىس.
فەدەرالدىق ميگراتسيالىق قىزمەت باسشىسى كونستانتين رومودانوۆسكي وسىنداي باستاما كوتەردى. ول مۇنداي قادامنىڭ قاجەتتىلىگىن بىرنەشە سەبەپتەرمەن تۇسىندىرەدى. بىرىنشىدەن, ول گاستاربايتەرلەردىڭ وزدەرىن الدانىپ قالۋدان قورعاۋ ءۇشىن قاجەت. ەكىنشىدەن, الەۋمەتتىك تۇراقتىلىق جايىن دا ويلاعان ءجون. ويتكەنى, «ءوز» جۇمىس ورىندارىندا ورىسشا بىلمەيتىن بوگدە ادامداردى كورۋ جەرگىلىكتى جۇمىسسىزدارعا وتە جاعىمسىز اسەر ەتپەك.
تەلەفونداردى تىڭداۋعا رۇقسات ەتىلەدى
چەحيادا جەرگىلىكتى باق-تارعا ساياساتكەرلەردىڭ تەلەفوندارىن جاسىرىن تىڭداۋ ارقىلى الىنعان اقپاراتتى جاريالاۋعا رۇقسات بەرەتىن تسەنزۋرا تۋرالى زاڭعا ەنگىزىلگەن جاڭا ءتۇزەتۋلەر كۇشىنە ەندى.
بىراق, زاڭگەرلەردىڭ اتاپ كورسەتۋىنشە, تەك «قوعام مۇددەسىنە قىزمەت ەتەتىن» ءمالىمەتتەردى عانا جاريالاۋعا بولادى. ماسەلەن, كەز كەلگەن جولمەن الىنعان سىبايلاس جەمقورلىق جانە باسقا دا قىلمىستار تۋرالى اقپاراتتى جاريالاۋعا رۇقسات ەتىلەدى. تەك وسىنداي جاعدايدا عانا جۋرناليستەردىڭ «قۇپيا اقپاراتتى تاراتتى» دەگەن جازالاۋلاردان قاۋىپتەنبەۋىنە بولادى.
ينتەرنەت ماتەريالدارى نەگىزىندە ازىرلەندى.