كوكشەتاۋ قالاسىنداعى №3 كاسىپتىك-تەحنيكالىق ليتسەيدىڭ 121 تۇلەگىنە ديپلومدار تاپسىرىلىپ, يندۋستريالىق-يننوۆاتسيالىق جوبا جۇيەسىندەگى كاسىپورىندارعا جولداما بەرىلدى. وقۋ ورنى مەن جۇمىس بەرۋشىلەر اراسىنداعى ەكىجاقتى كەلىسىم شارتتىڭ قۇندى قايتارىمىن وسىدان دا كورۋگە بولادى. بۇل كەزدەيسوقتىق ەمەس. وزىق ۇلگىدەگى 25 وقۋ كابينەتى مەن كومپيۋتەر سىنىپتارى, ەكى تىگىن تسەحى, قۇرىلىس زەرتحاناسى, وقۋ پوليگونى, باسقا دا الەۋمەتتىك-مادەني باعىتتاعى نىساندارى بار ليتسەي تۇلەكتەرىنە سۇرانىس جىل ساناپ ارتىپ كەلەدى.
سالتاناتتا ۇلگى الارلىق باستاما كوتەرىلدى. وقۋ ورنىن ۇزدىك ديپلوممەن بىتىرگەن قۋانىش جۇمكەنوۆ پەن جانۋرا سارسەنباەۆانىڭ فوتوسۋرەتى «قۇرمەت تاقتاسىنا» ىلىنسە, وبلىستىق ءبىلىم باسقارماسىنىڭ باستىعى مارات ىبىراەۆ اناتولي ميرونوۆقا وسىنداي ديپلومعا قوسا تۇرمىسقا قولايلى ەكى بولمەلىك ءپاتەردىڭ كىلتىن تاپسىردى. ەسىل بالالار ۇيىندە تاربيەلەنگەن اناتولي ءوزىنىڭ تۋعان قالاسىنىڭ قۇرىلىس سالاسىن وركەندەتۋگە ۇلەس قوساتىن بولادى.
پاتەردى ليتسەي وقىتۋشىلارى ءوز قاراجاتىنا ساتىپ العانىن دا ءسوز ورايىندا ايتا كەتسەك دەيمىز.
باقبەرگەن امالبەك,
اقمولا وبلىسى.