ءبىز پاۆلودار وبلىسى, ماي اۋدانى, اقجار دەگەن اۋىلدان سىزدەرگە حات جولداپ وتىرمىز. اۋىلىمىز اۋداننان شالعايدا ورنالاسسا دا تىنىس-ءتىرشىلىگىمىز جاقسى, بالالار وقىپ, اۋىل تۇرعىندارى كورشى قالادا جۇمىس ىستەپ, ناپاقاسىن تاۋىپ ءجۇر.
ەندى نەگىزگى ايتپاعىمىزعا كوشەيىك. وسىدان بىرەر جىلداي بۇرىن اۋىل كاسىپكەرى مەشىت قۇرىلىسىن باستاعان ەدى. ەل قۋانىشىندا شەك بولماي, اشىلۋىن توسىپ كۇندەر ساناپ ءجۇردىك. بىراق سول كاسىپكەردىڭ ءىسى وڭعا اسپاي, مەشىت جارتىلاي قۇرىلىسىنا كەلگەندە توقتاپ, قاڭىراپ بوس قالدى. وسى مەشىتتىڭ قۇرىلىسىن اياقتاپ, پايدالانۋعا بەرىلۋىنە كومەكتەسەتىن ادامدار تابىلىپ جاتسا, العىسىمىز شەكسىز بولار ەدى.
رامازان ايى ەندى باستالعاندا شاپاعاتتى ىسكە قامقور بولاتىن ەلگەزەك, مەيىرىمدى, ىسكەر جاندار تابىلاتىنىنا سەنىمدىمىز.
اۋىل اقساقالدارى ق.سەريموۆ, ك.ابەنوۆ, د.بيسميلدين.
پاۆلودار وبلىسى,
ماي اۋدانى.