مەرەكە قارساڭىنداعى مەرەيلى ىستەر

سوڭعى جىلدارى ەركە ەرتىس جاعاسىنداعى ەجەلگى سەمەيدىڭ كوركى كىرىپ كەلەدى. قالانى كوگ­ال­داندىرىپ, جارىقتاندىرۋ ىسىندە ءبىرشاما ىلگەرىلەۋشىلىك باي­قالادى. اسىرەسە, بيىلعى مەرەكەلى جىلى قالا ومىرىندە وزگەرىس, جاڭالىقتار بارشىلىق. ايتا­لىق, بۇرىن وي-شۇڭقىرى كوپ ور­تالىق بازاردىڭ ماڭى رەتكە كەلىپ قالدى. ەندى ورتالىق الاڭعا كۇردەلى ءجون­دەۋ جۇمىستارى جۇرگىزىلۋدە. ونداعى توسەلگەنىنە قىرىق جىل­دان اسقان, ءاب­دەن ەسكىرىپ, توزعان بەتون, سۋبۇرقاق, ەرتەرەكتە وسى جەردە تۇرعان «كۇن كوسەمنىڭ» الىپ ەسكەرتكىشىنىڭ تۇعىرى الى­نىپ تاستالدى. اباي تەاترىن كو­لەگەيلەپ تۇرعان شىرشالاردىڭ ءبىراز بولىگى الىنباق. سونىڭ ءبا­رىنىڭ ەسەبىنەن الاڭ اۋماعى ءبىرشاما كەڭەيتىلەدى. مۇندا جاڭا­دان توسەلەتىن ايشىقتى پليتالار, گۇpزارلار, كوز تارتاتىن جاڭا سۋبۇرقاق الاڭنىڭ ءوڭىن اشىپ, ءسانىن كەلتىرمەك. بيىلعى جىلى ەل تاۋەل­سىز­دى­گىمەن بىرگە, ەلباسىنىڭ العاشقى جارلىق­تارى­نىڭ ءبىرى – سەمەي اتوم پولي­گو­نى­نىڭ جابىلعانى­نا دا 20 جىل تولۋى كەڭىنەن اتالىپ وتىلەدى. قازان ايىنىڭ ورتاسىندا ەرتىس ايرىعىنداعى ارالدا پوليگون قۇرباندا­رى­نا ارناپ ورنا­تىلعان مونۋمەنت باسىندا ەلباسىنىڭ قاتىسۋى­مەن القالى جيىن وتەدى دەپ كۇ­تىلۋدە. سوعان وراي مۇندا دا يگىلىكتى شارالار اتقارىلۋدا. بار­لىعىنا رەسپۋب­ليكالىق بيۋدجەتتەن 244 ميلليون تەڭگە قاراجات بولىنەتىن بولادى. قالا كوركىن اجارلاپ قانا قويماي, ونىڭ ابى­رويىن اسقاقتاتاتىن مۇنداي يگى شارانى قا­لايشا قۇپتاماسسىڭ! قايسىبىر اۋدان­دار­دىڭ دا قالا­نى كوركەيتۋگە اتسالى­سىپ وتىر­عانى كوڭىل سۇيسىنتەدى. قالانىڭ ۇلىلار ەلىنە شىعا بەرىسىندە دە ءبىر يگى شارۋا قولعا الىنۋدا. ياعني, قالا مەن اۋەجاي بۇرىلىسىندا ۇلىلارعا قاتىستى اسەم پاننو ورنا­تىل­ماق. جانە ءبىر ايتا كەتەتىن جايت,  ەلىمىزدى دامىتۋدىڭ 2020 جىلدارعا دەيىنگى باعدارلاماسى بويىنشا جا­ڭادان سالى­ناتىن ءبىر قاباتتى 50 ءۇي قۇرى­لىسى دا قالانىڭ وسى تۇسىنان بوي كوتەرەدى. وعان نەگىزىنەن اۋىلدان كەلگەندەر قونىس­تاناتىن بولادى. ۇكىمەت تاراپى­نان وسى ماقساتقا  233 ميلليون تەڭگە قارجى ءبولىنىپ وتىر. جاڭا تۇر­عىن ءۇي الابىن سۋ, جارىقپەن قامتا­م­ا­سىز ەتۋ, بالالاردىڭ وي­ىن الاڭدارىن سالىپ بەرۋدى دە ۇكىمەت ءوز موينىنا الماق. بۇل ەل تاۋەلسىزدىگى مەرەكەسى قار­ساڭىنداعى مەرەيلى ىستەردىڭ ءبىر پاراسى عانا. ال ونىڭ جا­را­سىمدى جالعاسىن تا­باتىندى­عى­نا ەش كۇمان جوق. داۋلەت سەيسەن ۇلى, سەمەي.