بۇدان بۇرىن حابارلاعانىمىزداي, تاۋعا ساياحاتقا شىققان قازاقستاندىق 12 ازاماتتى شەكارادان ءوتىپ كەتتى دەگەن جەلەۋمەن وزبەكستاندىق شەكاراشىلار ۇستاپ, ەرەسەك 4-ەۋىن كيبراي قالاسىنداعى وڭالتۋ ورتالىعىنا, ال قالعان 8 بالانى يانگيۋل كامەلەت جاسقا تولماعان بالالارعا ارنالعان ارنايى قابىلداۋ بولىمىنە ورنالاستىرعان بولاتىن.
ەكى ەل سىرتقى ىستەر مينيسترلەرى اراسىندا جۇرگىزىلگەن كەلىسسوزدەر ناتيجەسىندە 30 شىلدە كۇنى شامامەن ساعات 22.00-دە ءتيىستى شارالاردى جۇزەگە اسىرعاننان كەيىن قازاقستان رەسپۋبليكاسىنىڭ كونسۋلى قازاقستاننىڭ كامەلەتكە تولماعان سەگىز ازاماتىن ەلىمىزگە جەتكىزىپ سالدى. ال كەلەسى كۇنى, ياعني 31 شىلدەدە قازاقستاندىق ەرەسەك ءتورت ازامات تا وتانىنا ورالدى.
«ەگەمەن-اقپارات».