ارۋ استانا ايبىنى

اتاعى الەمگە جايىلعان ار­قا­نىڭ سۇلۋ قالاسى استاناعا بيىل, مىنە, 13 جىل. كۇنى كەشە عانا ەلباسىنىڭ تىكەلەي باستا­ما­سىمەن بۇرىنعى استانامىز ال­ما­تىدان ەۋرازيانىڭ جۇرە­گىنە كوش باسىن تىرەپ, بوي كو­تەر­گەن جاس استانانىڭ بۇگىندە ءمار­تەبە­سى بيىك. نەبارى ساۋساق­پەن سانار­لىقتاي جىلدار ىشىندە قيال قۋىپ جەتە الماستاي قۇلپىرعان ەلوردامىز كۇننەن-كۇنگە جارقى­راي تۇسۋدە. عاني­بەت عيماراتتارى عايىپتان پايدا بولعانداي, ءبىر-بىرىنە ۇقسا­مايتىن اسەمدىككە يە. بەيبىت­شىلىكتىڭ بەلگىسىن كورسە­تەتىن, اسپانمەن استاسقان بايتە­رەكتىڭ ءوزى نەگە تۇرادى؟! قۇرى­ىسى قۇر­لىققا تانىلعان استا­نانىڭ كەلبەتى كەز كەلگەن جانعا باقىت سىيلارى انىق. سونىڭ ءبىرى – مەن ءوزىم. وسىدان ءبىر جىل ۋاقىت بۇ­رىن تاۋەلسىزدىك قالاسىنىڭ تا­بال­دىرىعىن باسقانىمدا, مەن ءوزىمنىڭ ارمان شىڭىنا جەتەر جولدىڭ ەسىگىن ايقارا اشقانداي سەزىندىم. مەن سياقتى ءوز ءومىر جولىنا استانا ارقىلى جول اش­قان باقىتتى جاندار قان­شا­ما! قازاق ەلىنىڭ ماقتا­نى­شى مەن كوز قۋانىشىنا اي­نالعان استا­نامىز از ۋاقىتتىڭ ىشىندە الەم­دىك ساحنادا ءوز ور­نىن ابى­روي­مەن ايقىندادى. كەشەگى وتكەن ەقىۇ ءسامميتى ەلىمىزدى بارشا عالامعا پاش ەتكەنى بار­شامىزعا بەلگىلى. قادا­مىن كەلەشەككە نىق باسقان قازاق حال­قى­نىڭ بولاشاعىمەن استانا­مىز كەلەر كۇندە دە اسقاقتاي بەرەرى ءسوزسىز. تاۋەلسىز ەلىمىزدىڭ تۋىن كوككە جەلبىرەتكەن تۇعىر­لى استانا­مىز­دىڭ تورىنە قون­عان باقىت قۇسى تەك ەلوردا­مىز­دىڭ اسپا­نىن­دا عانا سامعاي بەرگەي! اقبۇلان سالبەك ۇلى, قورعالجىن اۋداندىق پروكۋراتۋراسىنىڭ قىزمەتكەرى. اقمولا وبلىسى