تاقتايداي تەگىس جولدىڭ كەيدە ساقتىقتى ۇمىتتىراتىندىعى بولادى. وسىندايدا جىلدامدىقتى ءۇستى-ۇستىنە ارتتىرىپ, مەجەلى جەرگە تەزىرەك جەتۋگە اسىعۋ قاپىدا قالدىراتىندىعى دا ءمالىم. سوندىقتان ونى بولدىرماۋ ءۇشىن ماسەلەن, استانا-الماتى باعىتى بويىنداعى كۇرەجولدا قولدان كەلگەن مۇمكىندىكتىڭ ءبارى جاسالىپ جاتىر. وندا جۇرگىزۋشىلەر قاۋىپتى جەرگە تايانعان ساتتە كولىك قوزعالىسىن باياۋلاتۋعا ماجبۇرلەيتىن جاساندى جولاقتار ورناتىلۋدا.
جول قاۋىپسىزدىگىن قامتاماسىز ەتۋگە ارنالعان مۇنداي شارا جاقىندا سارىشاعان ۇستىمەن وتەتىن جولدا دا قولدانىلا باستادى. ۇزىندىعى 30 مەتر جولاقتار 200, 300, 500 مەتر سايىن قايتالانىپ, قاۋىپتى بۇرىلىستارعا, ويپاڭدارعا, بيىكتىكتەرگە جاقىنداپ قالعاندىقتى بىلدىرەدى. بىلتىردان بەرى قولعا الىنعان مۇنداي بولىكتەر سانى قازىر 20-عا جەتتى. ساقتىقتى ساقتاۋعا, ابايلاپ جۇرۋگە يكەمدەيتىن بۇل شارا جول قاۋىپسىزدىگىن جاقسارتۋعا ىقپال ەتۋدە. الداعى ۋاقىتتا بالقاش – قاراعاندى ارالىعىندا دا جاساندى جولاقتاردىڭ بىرنەشەۋى جاسالماق.
ايقىن نەسىپباي,
قاراعاندى وبلىسى.