دەنساۋلىق ساقتاۋ مينيسترلىگىنىڭ مەملەكەتتىك سانيتارلىق-ەپيدەميولوگيالىق قاداعالاۋ كوميتەتى باتىس قازاقستان وبلىسىنىڭ ءجانىبەك اۋدانىنا قاراستى تالوۆكا ەلدى مەكەنىندە ءسىبىر جاراسىنا كۇدىكتى ەكى جاعداي تىركەلگەنىن حابارلايدى. اعىمداعى جىلدىڭ 30 شىلدەسى كۇنى ول ادامدار اۋداندىق اۋرۋحانانىڭ جۇقپالى اۋرۋلار ءبولىمشەسىنە جاتقىزىلدى. ناۋقاستاردىڭ جاعدايى ورتاشا دەپ باعالانۋدا.
ەپيدەميولوگيالىق تەكسەرۋ كەزىندە بۇل ازاماتتار 20 شىلدەدە سيىر سويۋعا قاتىسقانى انىقتالدى. 110 كگ. ەت الىنىپ, ورتەلدى. باتىس قازاقستان وبلىسىنىڭ سەقكد ماماندارى مال دارىگەرلەرىمەن بىرلەسىپ, وشاقتا ەپيدەمياعا جانە ەپيزووتياعا قارسى جۇمىستار اتقارۋدا.