جەكسەنبى كۇنى استانادا وتكەن حالىقارالىق اۋەسقوي بوكس قاۋىمداستىعى اتقارۋشى كوميتەتىنىڭ كەزەكتى ماجىلىسىندە بوكستان 2013 جىلعى ەرەسەكتەر اراسىنداعى الەم چەمپيوناتىن قابىلدايتىن ەل بەلگىلى بولدى.
ماجىلىستە اتالعان ۇيىم ءمۇشەلەرىنە قازاقستان بوكس فەدەراتسياسىنىڭ ۆيتسە-پرەزيدەنتى, ءاىۆا اتقارۋشى كوميتەتىنىڭ مۇشەسى سەرىك قوناقباەۆ ەلىمىزدىڭ ەرەسەكتەر اراسىنداعى الەمدىك دودانى وتكىزۋگە ابدەن لايىق ەكەنىن دالەلدەپ, كورسەتۋ ءۇشىن ارنايى ازىرلەنگەن تۇساۋكەسەر ءراسىمىن ءوتكىزدى. وسىدان كەيىن ءاىۆا مۇشەلەرىنىڭ ءبىراۋىزدى كەلىسىمىمەن ەلىمىز كەلەسى الەم چەمپيوناتىن قابىلدايتىن ەل بولىپ شەشىلدى. سونىمەن بىرگە ءماجىلىستە الماتى وبلىسىندا بۇكىلالەمدىك بوكس اكادەمياسىنىڭ قۇرىلىسىن ءجۇرگىزۋ ماسەلەسى قارالدى. جيىنعا قاتىسۋشىلار تامىز ايىنىڭ سوڭى مەن قىركۇيەك ايىنىڭ باسىندا اكادەميانىڭ قۇرىلىسىن باستاۋ تۋرالى كەلىسىمگە كەلدى.
وسى كۇنى 2011-2012 جىلعى ماۋسىمعا ارنالعان بۇكىلالەمدىك بوكس سەرياسىنىڭ (WSB) جەرەبەسى تارتىلدى. ەندى كوماندالار بۇرىنعىسىنشا ءتورت قۇرلىققا ءبولىنبەيتىن بولدى. كوماندالار ەكى توپقا ءبولىنىپ, ءار توپتان ءتورت قۇراما كەلەسى اينالىمعا شىعاتىن بولىپ شەشىلدى. «اstana arlans» كلۋبى «ا» توبىنا ءتۇستى. بىزبەن بىرگە ءبىر توپتا «Dinamo Moscow» (رەسەي), «Milano Thunder» (يتاليا), «Pohang Poseidons» (كورەيا), «Los Angeles Matadors» (اقش), «Mumbai» ء(ۇندىستان). «ۆ» توبىندا «Istabbulls» (تۇركيا), «Paris United» (فرانتسيا), «Beijing Dragons» (كورەيا), «Baku Fires» (ازەربايجان), «Miami Gallos» (اقش), «Germany» (گەرمانيا) كلۋبتارى بار.
ماجىلىستە تاعى ءاىۆا-نىڭ جاڭا Professional Boxing (ارۆ) جوباسى تالقىلاندى. بۇل جوبا بوكستى دامىتىپ, سپورتشىلاردىڭ الەۋمەتتىك جاعدايىن شەشۋگە ارنالعان. جوبا لوندون وليمپياداسىنان كەيىن, ياعني 2013 جىلدىڭ قاڭتار ايىندا باستالادى. وندا جەكپە-جەكتەر 10 سالماقتا, 3 دەڭگەيگە ءبولىنىپ وتەدى. حالىقارالىق دەڭگەيدە – 12 راۋند, قۇرلىقتىق دەڭگەيدە – 10 راۋند, ۇلتتىق دەڭگەيدە 8 راۋند بولادى. ارۆ-دا ءاىۆا-عا مۇشە ۇلتتىق فەدەراتسيالاردىڭ بوكسشىلارى قاتىسادى. ارۆ رەيتينگىندەگى ۇزدىك بوكسشىلار 2016 جىلعى وليمپياداعا جولداما الادى.