قر مەملەكەتىك تۋى مەن استانادا قۇرىلعان ءۇش ديۆيزيانىڭ تۋلارى كوتەرىلدى, اتاپ ايتقاندا 72-ءشى گۆارديالىق كراسنوگراد اتقىشتار ديۆيزياسى, 310-گى نوۆگورود اتقىشتار ديۆيزياسى جانە 387-ءشى پەرەكوپسك اتقىشتار ديۆيزياسىنىڭ. اسكەري اندەر مەن مارشتىڭ سۇيەمەلدەۋىمەن, اۆتوكولوننا قالانىڭ ورتالىق كوشەلەرىمەن ءجۇرىپ, قالانىڭ ورتالىق زيراتىندا توقتادى. وندا ۇوس ارداگەرلەرى, اۋعان سوعىسىنا قاتىسقاندار, قوعامدىق كەڭەس مۇشەلەرى, قالالىق ءماسليحات دەپۋتاتتارى, ارداگەرلەر ۇيىمدارىنىڭ, ءدىن وكىلدەرى, «جاس ۇلان» رەسپۋبليكالىق مەكتەبىنىڭ تاربيەلەنۋشىلەرى جانە مايدانگەرلەردىڭ تۋعان-تۋىستارى قاتىستى.
ەلوردانىڭ مەملەكەتتىك فيلارمونياسىنىڭ ۇرمەلى اسپاپتار وركەسترىنىڭ سۇيەمەلدەۋىمەن دەسانتتىق-شابۋىل بريگاداسىنىڭ جاۋىنگەرلەرىنەن, سوعىس ارداگەرلەرىنەن, قوعام مەن جاستار وكىلدەرىنەن قۇرىلعان كولوننا ەسكەرتكىشكە گۇل قويدى.
«داڭق گۇل تىزبەگىن» قويۋ سالتاناتىن استانا قالاسى اكىمىنىڭ ورىنباسارى ەرمەك امانشاەۆ اشتى.
«جىل سايىن 8 مامىردا ەسكەرتكىشتىڭ جانىندا جينالىپ, ۇلى وتان سوعىسىندا قازا تاپقان جاۋىنگەرلەرگە تاعزىم ەتەمىز. وكىنىشكە وراي جىلدان جىلعا ارداگەرلەرىمىز ازايىپ كەلەدى. ولاردىڭ ارقايسىسى ءبىز ءۇشىن قىمبات. ءبىز سىزدەردى قۇرمەت تۇتامىز. مەملەكەت باسشىسىنىڭ قولداۋىمەن جىل سايىن ارداگەرلەر تەك جەڭىس كۇنى عانا ەمەس, ءاردايىم قامقورلىق كورسەتىلىپ جۇرەدى. سىزدەرگە دەنسۋلىق, باقىت ءتىليمىز, ۇزاق جاساپ, جاقىندارىڭىزدىڭ, بالالارىڭىزدىڭ, نەمەرەلەرىڭىزدىڭ جەتىستىكتەرىن كورىپ, قۋانىپ جۇرىڭىزدەر», - دەدى ەرمەك امانشاەۆ.
سوعىس جىلدارى كوز جۇمعان جاۋىنگەرلەردىڭ قۇرمەتىنە ءبىر مينۋت ۇنسىزدىك جاريالاندى, ساليۋت بەرىلدى. ۇوس ارداگەرلەرى جينالعاندارعا اعىسىن ءبىلدىرىپ, ءوز تىلەكتەرىن جەتكىزدى.
«بۇل داستۇرگە اينالدى, مەنىڭ بىلۋىمشە, 8 مامىردا ۇوس جاۋىنگەرلەردى ەسكە الۋ قۇرمەتىنە زيراتقا كەلىپ جۇرگەنىمىزگە كەمىندە وتىز جىلداي بولدى. وسى كۇنى ءبىز سۇراپىل سوعىس جىلدارى وسى جەردەن كەتىپ, قازا بولعان ازاماتتارىمىزدى ەسكە الامىز. مايدانعا اتتانعان ءاربىر ەكىنشى قازاقستاندىق ۇيىنە ورالعان جوق. ۇرپاعىمىز ءوز ءومىرىن قيىپ, جەڭىسكە قول جەتكىزگەن اتا-بابالارىمىزدى ۇمىتاۋى كەرەك. ءبىز بەيبىت زاماندا ءومىر ءسۇرىپ جاتىرمىز. ۇلكەن مەملەكەت قۇرىپ, بالالارىمىزدى ءوسىرىپ-تاربيەلەۋدەمىز, بۇل ۇلكەن باقىت», - دەدى استانا قالاسىنىڭ قوعامدىق كەڭەسىنىڭ توراعاسى سانسىزباي ەسيلوۆ.
قازىرگى كەزدە ەلوردادا 121 ارداگەر بار. بىلتىر ولاردىڭ سانى ەكى ەسە ارتىق بولعان, دەيدى ك وبەليسكۋ پامياتي سموگلي پريتي ليش دەسياتكي يز نيح. ۆمەستە س تەم ۆ ستوليتسە س. ەسىلوۆ. تىل ەڭبەككەرلەرىنىڭ سانى شامامەن 4000, ولاردىڭ بارلىعى الەۋمەتتىك كومەكپەن, باسپانامەن جانە مەملەكەتتىڭ قولداۋىمەن قامتاماسىز ەتىلدى.
گۇل قويۋ سالتاناتى بارىسىندا ءدىن وكىلدەرى قۇران وقىدى. شارا سوڭىندا مايدانگەرلەر مەن شەرۋگە قاتىسۋشىلارعا ارنالعان داستارقان جايىلدى.