قازاقستان پرەزيدەنتى نۇرسۇلتان نازارباەۆ ە.ماكروندى فرانتسيا رەسپۋبليكاسىنىڭ پرەزيدەنتى سايلاۋىنداعى جەڭىسىمەن شىن جۇرەكتەن قۇتتىقتادى.
«فرانتسيا حالقى سىزگە داۋىس بەرۋ ارقىلى ءوزىڭىز جاريالاعان, ەلدىڭ قارقىندى دامۋىنا باعىتتالعان وزگەرىستەردى قولدايتىنىن كورسەتتى. ءسىزدىڭ باسشىلىعىڭىزبەن فرانتسيا وركەندەۋ جولىندا جاڭا تاماشا تابىستارعا قول جەتكىزەتىنىنە كامىل سەنەمىن», – دەلىنگەن جەدەلحاتتا.
مەملەكەت باسشىسى بيىل قازاقستان مەن فرانتسيا اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولاتىنىن اتاپ ءوتتى.
ء«وزارا ءىس-قيمىلىمىز ورىستەپ, ستراتەگيالىق ارىپتەستىك دەڭگەيىنە كوتەرىلگەنىن ماقتان تۇتامىز. سىزبەن جانە فرانتسيا ۇكىمەتىمەن ورتاق مۇددەلى ماسەلەلەر جونىندە جاڭاشىلدىق پەن تالپىنىس رۋحىندا بىرگە جۇمىس باستاۋعا دايىنبىز. جان-جاقتى ىقپالداستىعىمىز حالىقتارىمىزدىڭ يگىلىگى ءۇشىن ودان ءارى نىعايا بەرەدى دەپ ۇمىتتەنەمىن», – دەلىنگەن جەدەلحاتتا.
سوڭىندا نۇرسۇلتان نازارباەۆ فرانتسيا كوشباسشىسىنىڭ باستامالارىنا ساتتىلىك, ال فرانتسۋز حالقىنا باق-بەرەكە تىلەدى.