بۇل تۋرالى ۇكىمەت ۇيىندە مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن ىسكە اسىرۋ جۇمىستارىنىڭ قورىتىندىسى بويىنشا وتكەن ءباسپاسوز كونفەرەنتسياسىندا ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى. «مامىر ايىنىڭ ەكىنشى ون كۇندىگىندە, شامامەن 15-ءى كۇندەرى, ەكى نىساننىڭ دا قۇرىلىس-مونتاج جۇمىستارى اياقتالادى. ون شاقتى كۇن ىشىندە تەستىلىك سىناق جۇمىستارى جۇرگىزىلەدى. ۆوكزالدا دا, اۋەجايدىڭ جاڭا تەرمينالى دا العاشقى جولاۋشىلاردى 1 ماۋسىم كۇنى قابىلدايدى دەپ جوسپارلانۋدا, – دەدى ج. قاسىمبەك. – بيىل ءبىز پيلوتتىق رەجيمدە ەلورداعا «اشىق اسپان» جۇيەسىن ەنگىزدىك, ياعني الەمنىڭ كەز-كەلگەن جەرىنەن اپتاسىنا جيىلىگى جەتى رەت, كەز-كەلگەن اۋە كومپانياسى استاناعا قاتىناي الادى». بۇل ەكسپو – 2017 حالىقارالىق كورمەسىن وتكىزۋگە ورايلاستىرىلعان شارا, دەگەنمەن, جوبا ءساتتى جۇزەگە اسسا, ءارى قاراي دا جالعاسىن تاپپاق. سونداي-اق مينيستر جاڭا باعىتتار مەن قوسىمشا جيىلىكتەر تۋرالى ايتىپ بەردى. «وسى ايدا جاڭا ءتورت باعىت: ۆارشاۆا, حەلسينكي, بۋداپەشت, بەيجىڭ بويىنشا رەيستەردى اشۋ تۋرالى ناقتى جوسپارلار بار», – دەدى ول. Air China العاش رەت بەيجىڭنەن استاناعا قاتىنايتىن بولادى. بۇعان دەيىن تەك Air Astana ۇشقان بولاتىن.
استانا جاڭا ۆوكزالى 1 ماۋسىمدا العاشقى جولاۋشىلاردى قابىلدايدى
163 رەت
كورسەتىلدى
استانادا وسى ايدىڭ سوڭىنا دەيىن جاڭا تەمىر جول ۆوكزالى مەن اۋەجايدىڭ جاڭا تەرمينالىنىڭ قۇرىلىسىن اياقتاۋ كوزدەلگەن. ولار 1 ماۋسىمنان باستاپ ىسكە قوسىلماق.