ونىڭ قۇرامىنا ينۆەستيتسيالار جانە دامۋ جونىندەگى, ەنەرگەتيكا, سىرتقى ىستەر مينيسترلىكتەرىنىڭ, «KAZAKH INVEST» ۇك, «دامۋ» كاسىپكەرلىكتى دامىتۋ قورى» اق, «قازاقستاندىق مەملەكەتتىك-جەكە ارىپتەستىك ورتالىعى» اق, «استانا» حالىقارالىق قارجى ورتالىعى اكىمشىلىگى» اق وكىلدەرى كىردى.
ساۋدا, كولىك, تۋريزم, اقپاراتتىق-كوممۋنيكاتسيالىق تەحنولوگيالار جانە يننوۆاتسيالار, ينۆەستيتسيالار, شاعىن جانە ورتا بيزنەستى دامىتۋ, اۋىل شارۋاشىلىعى, يسلامدىق قارجىلاندىرۋ سالاسىنداعى جانە باسقا دا ماسەلەلەر تالقىلاندى.
ر. دالەنوۆ كوميتەتتىڭ 3-ءشى وتىرىسىندا ءسوز سويلەي كەلىپ, شاعىن جانە ورتا كاسىپكەرلىكتىڭ دامۋى, ساۋدا, تۋريزمدەگى مالايزيالىق تاجىريبە قازاقستان ءۇشىن مەيلىنشە قىزىعۋشىلىق تۋدىراتىنىن اتاپ ايتتى.
سونداي-اق, ر. دالەنوۆ قازاقستاننىڭ «حالال-وندىرۋشىلەر» جاھاندىق تىزبەگىنە قوسىلۋ پەرسپەكتيۆاسى تۋرالى اڭگىمەلەي كەلىپ, مالايزيانىڭ الەمدەگى ءىرى حالال-يندۋستريا حابتارىنىڭ ءبىرى رەتىندەگى اۋقىمدى تاجىريبەسىن اتاپ ءوتتى.
قازاقستاندا تۋريستىك قىزمەتتى مەملەكەتتىك قولداۋدىڭ اناعۇرلىم ءتيىمدى شارالارى ەنگىزىلگەن, ول قازاقستانداعى باسىم سالالاردىڭ ءبىرى رەتىندە بەلگىلەنىپ وتىر.
سونىمەن بىرگە, بىرنەشە باعىتتاعى ىنتىماقتاستىق بويىنشا جۇمىس توبى قۇرىلىپ وتىر: حالال-يندۋستريا, يسلامدىق قارجىلاندىرۋ, تۋريزم, جاڭعىرمالى ەنەرگيا, مۇناي جانە گاز, ينۆەستيتسيالىق ىنتىماقتاستىق.
2016 جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 82,9 ملن. اقش دوللارىن قۇرايدى.
11 جىل ىشىندە (2005-تەن 2016 جج.) مالايزيانىڭ قر-عا تارتىلعان تىكەلەي شەتەلدىك ينۆەستيتسيالاردىڭ جالپى كولەمى 28,2 ملن. اقش دوللارىن قۇرادى. مالايزياعا قازاقستاندىق ينۆەستيتسيا ۇقساس مەرزىمدە 3,0 ملن. اقش دوللارىن قۇرايدى.
3-ءشى وتىرىس اياسىندا اعىمداعى جىلعى 3 مامىردا «New Business Opportunities in Kazakhstan» بيزنەس-فورۋمى وتكىزىلدى, سونداي-اق مالايزيانىڭ ءىرى بيزنەس وكىلدەرىمەن بىرقاتار كەزدەسۋلەر ءوتتى.