مەملەكەت باسشىسى نۇرسۇلتان نازارباەۆ دۇنيەجۇزى قازاقتارى قاۋىمداستىعى تورالقاسى توراعاسىنىڭ ءبىرىنشى ورىنباسارى تالعات ماماشەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ كەزىندە ت.ماماشەۆ پرەزيدەنتكە قازاقستاننىڭ ەلورداسى استانادا وتەتىن دۇنيەجۇزى قازاقتارىنىڭ ءتورتىنشى قۇرىلتايىنا دايىندىق بارىسى تۋرالى باياندادى.
– قۇرىلتايعا 35 تاياۋ جانە الىس شەت ەلدەن 380 دەلەگات, سونداي-اق الماتى مەن استانا قالالارىنان, ەلىمىزدىڭ وڭىرلەرىنەن 300-دەن استام وكىلدەر شاقىرىلدى. بيىلعى جىلعى قۇرىلتايدىڭ ءبىر ەرەكشەلىگى, دەلەگاتتاردىڭ 60 پايىزدان استامىن 30 جاسقا دەيىنگى جاستار قۇرايدى, – دەدى ت.ماماشەۆ جۋرناليستەرگە ارنالعان بريفينگتە.