كەشە پرەمەر-مينيستر كارىم ءماسىموۆ جەزقازعان ونەركاسىپتىك ءوڭىرىن دامىتۋ پەرسپەكتيۆالارى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
قاراعاندى وبلىسىنىڭ اكىمى س.احمەتوۆ وڭىردەگى اعىمداعى جاعداي جانە دامۋ پەرسپەكتيۆالارى تۋرالى بايانداما جاسادى.
ونى تالقىلاۋعا پرەمەر-ءمينيستردىڭ ءبىرىنشى ورىنباسارى ءو.شوكەەۆ, ەكونوميكالىق دامۋ جانە ساۋدا ءمينيسترى ق.كەلىمبەتوۆ, ءبىلىم جانە عىلىم, دەنساۋلىق ساقتاۋ, كولىك جانە كوممۋنيكاتسيا مينيسترلەرى, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ توراعاسى, يندۋستريا جانە جاڭا تەحنولوگيالار, اۋىل شارۋاشىلىعى, قارجى ۆيتسە-مينيسترلەرى, سول سياقتى «قازاقمىس» كورپوراتسياسى» جشس باسقارما ءتوراعاسى ە.وگاي قاتىستى.
كەڭەستە جەزقازعان ءوڭىرىنىڭ مينەرالدى-شيكىزات بازاسىن, كەن ءوندىرۋ ونەركاسىبى مەن مەتاللۋرگيا ءوندىرىسىن ودان ءارى دامىتۋ, سونداي-اق مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندەگى جوبالاردى جانە كولىك ينفراقۇرىلىمىن, الەۋمەتتىك سالانى, تۇرعىن ءۇي-كوممۋنالدىق شارۋاشىلىقتى جاڭعىرتۋ جوبالارىن دامىتۋ قاجەتتىگى اتاپ ءوتىلدى.
كەڭەس قورىتىندىسىندا ك.ءماسىموۆ ەكونوميكالىق دامۋ جانە ساۋدا ءمينيسترى ق.كەلىمبەتوۆ باسقاراتىن, مۇددەلى مينيسترلىكتەر مەن ۆەدومستۆولار باسشىلارى, قاراعاندى وبلىسى اكىمدىگى جانە دامۋ ينستيتۋتتارى باسشىلارىنان قۇرىلعان ارنايى جۇمىس توبىن قۇرۋدى تاپسىردى.
اتالمىش توپ ءبىر اي ىشىندە كەڭەستە قارالعان ماسەلەلەردى وي ەلەگىنەن وتكىزىپ, ولار بويىنشا ۇسىنىستار ءتۇسىرۋى ءتيىس.