لاڭكەستىك ارەكەت ەمەس

كەشە شىنتاس تۇيىق كو­شەسىندەگى №6 ءۇيدىڭ الدىن­داعى الاڭقايدا ورىن العان اۆتوكولىك جارىلىسىنا وراي قىلمىستىق ءىس قوزعالدى,  دەپ حابارلادى استانا قالا­لىق ىشكى ىستەر دەپارتامەنتى­نىڭ ءباسپاسوز قىزمەتى. وقيعا ورنىن قاراعان جەدەل-تەرگەۋ توبى S103تەم مەملەكەتتىك ءنومىرى بار قىزىل ءتۇستى, 1991 جىلى شىعا­رىل­عان «اۋدي-100» ماركالى اۆ­تو­كولىكتى جانە ەۋروپالىق ءنا­سىلدى ەكى ەر ادامنىڭ دەنەلەرىن, وعان قوسا 1962 جىلى قىرعىزستاندا تۋعان, پاۆلودار وبلىسى ەكىباستۇز قالا­سىندا تۇراتىن كەلپلەر دميتري يۋرەۆيچتىڭ اتىنا بەرىلگەن كولىك جۇرگىزۋشىنىڭ كۋالىگى مەن اڭشىلىق بيلەت جانە 1985 جىلى تۋعان, بۇ­رىن ۇرلىق, الاياقتىق جاسا­عانى, سونداي-اق قىلمىستىق جولمەن كەلگەن زاتتى ساتىپ الىپ, ساتقانى ءۇشىن سوتتالعان ەكىباستۇز قالاسىنىڭ تۇر­عىنى چەرەمۋحين يۆان الەك­ساندروۆيچتىڭ اتىنا بەرىلگەن تولقۇجات, سونىمەن بىرگە جا­رامسىز بولعان «سوني-ەريك­سون» ماركالى ۇيالى تەلە­فونىن تاپقان. كىمدەر ەكەندىگى ازىرگە بەلگىسىز ادامداردىڭ ولىمىنە, الدىن-الا بولجام بويىنشا ءتۇتىنسىز, جارىقشاعى جوق جا­رىلعىش زاتتىڭ وزدىگىنەن ىسكە قوسىلۋى سەبەپ بولعان كورى­نەدى. وقيعا بولعان جەردى قاراۋ بارىسىندا وتقا وران­عان كولىك تۇرعىن ۇيلەر­دەن ال­شاقتا الاڭقايدا تۇرعانى انىقتالدى. جارىلىستىڭ ەكپىنىنەن كەيبىر عيماراتتاردىڭ تەرەزە شىنى­لارى شىتىنا­عان, ال اينالا­داعى كولىكتەرگە ەش­قانداي زيان كەلمەگەن. وسى جاع­دايلار لاڭ­كەستىك ارەكەت بەلگىلەرىن جوققا شىعارادى. قازىر اتالعان جارىلىس بو­يىنشا تەحنيكا­لىق ساراپتاما تاعايىندالىپ, قاجەتتى تەكسەرۋ جۇمىستارى جۇرگىزىلۋدە, دەيدى استانا قالا­لىق ىشكى ىستەر دەپارتا­مەنتىنىڭ ءباسپاسوز قىزمەتى. «ەگەمەن اقپارات».