ەۋروپا بانكى قولدادى

وتكەن سەنبىدە ەقدب باسقارۋشىلار كەڭەسىنىڭ جىل سايىنعى وتىرىسى اياسىندا ەۋروپا قايتا قۇرۋ جانە دامۋ بانكى قا­زاق­ستانعا «اقبۇلاق» باعدارلاماcىن جۇزەگە اسىرۋ ءۇشىن قايتا­رىم­سىز نەگىزدە 1 ملن. 650 مىڭ ەۋرو بولەتىندىگى تۋرالى قۇجاتقا قول قويىلدى. بۇل قۇجاتقا پرەمەر-مي­نيس­تردىڭ ءبىرىنشى ورىنباسارى ءومىر­زاق شوكەەۆ, ەقدب مۋنيتسي­پيال­دىق ينفراقۇرىلىم دەپارتا­مەنتى­نىڭ ديرەكتورى جان-پاتريك مارك, ەلىمىزدىڭ تابيعي مونو­پو­ليا­لاردى رەتتەۋ, قۇرىلىس جانە تۇرعىن ءۇي-كوممۋنالدىق شارۋا­شى­لىق ىستەرى اگەنتتىكتەرى باس­شى­لارى, اتىراۋ, تاراز جانە سەمەي قالالارىنىڭ اكىمدەرى قول قويدى. مەموراندۋمعا قول قويۋ با­رىسىندا ءسوز سويلەگەن ەقدب شى­عىس ەۋروپا, تۇركيا, كاۆكاز جانە  ورتالىق ازيا ەلدەرى بوي­ىن­شا اتقارۋشى ديرەكتورى وليۆە دەكامپ سۋ رەسۋرستارىن باس­قا­رۋ بويىنشا ينفراقۇرىلىم جا­ڭارتۋ ىسىندە قازاقستاندىق تۇر­عىن ءۇي-شارۋاشىلىق ورگانى مەن  بانك اراسىنداعى ەكىجاقتى ارىپتەستىكتىڭ جاقسارا تۇسكەندىگىن جەتكىزدى. سون­داي-اق, ەقدب جەكە ارىپتەستەرمەن بىرلەسە وتىرىپ, اعىن سۋلاردى ءبولۋ جانە سۋمەن قامتاماسىز ەتۋ جۇيەسىن  جاڭار­تۋ­عا قوسا قازاقستاننىڭ مۋني­تسي­پالدىق ورگاندارىنا بۇدان دا جوعارى ساپالى قىزمەت كورسەتۋگە بەيىل تانىتىپ وتىر. مەموراندۋم نەگىزىندە ەقدب تاراز, اقتوبە, اتىراۋ جانە سەمەي قالالارىنداعى سۋمەن قامتا­ما­سىز ەتۋ جوبالارىنىڭ ناقتى تەحني­كالىق-ەكونوميكالىق نەگىزدەمەلەرىن قارجىلاندىراتىن بو­لادى. سونداي-اق, ينۆەستيتسيالىق قىزمەتتىڭ باسىم باعىتى جانە سمەتالىق قۇنى انىقتالاتىن بولادى, دەدى ومىرزاق شوكەەۆ ءباسپاسوز ءماسليحاتىندا. ەقدب اتىراۋ, اقتوبە, تاراز جانە سەمەي قالالارىندا مەملەكەتتىك-جەكە مەنشىك كاسىپكەرلىك جوبا­لارىن ازىرلەۋدى بىرلەسىپ قار­جى­لاندىرۋ ءۇشىن تەحنيكالىق كومەك پاكەتىن ۇسىنىپ وتىر. ەگەر ديرەكتورلار كەڭەسى ماقۇلداسا, وندا بانك  100 ملن. اقش دوللارى سو­ما­سىندا قارجى بولەتىن بولادى. ءو.شوكەەۆ 2011-2020 جىل­دار­عا ارنالعان «اقبۇلاق» باعدار­لا­ماسى مەملەكەت باسشىسىنىڭ تاپ­سىرماسى بويىنشا جاسال­عا­نىن جانە سۋ شارۋاشىلىعى سەكتورىنىڭ ينۆەستيتسيالىق تارتىمدىلىعىن ارتتىرۋ مەن وعان جەكە كاپيتالدى بارىنشا تارتۋعا باعىتتالعانىن اتاپ ءوتتى. ۆەنەرا تۇگەلباي.