سول جايلاۋ شىركىن...
جاتقان ءبىر ءشوبى جايقالىپ,
ورىستەن ماما سيىرلار قايتار نايقالىپ.
شار ساۋلىقتارىڭ جايلاۋدىڭ سالقىن تۇنىندە,
مەكىرەنىپ قويىپ, جاتاتىن كۇيىس قايتارىپ.
قۇلاعىن تىگىپ, ءشوپ باسى سىبدىر ەتكەنگە,
جىلقىلار اناۋ تۇرادى مۇلگىپ تەپسەڭدە.
تەك جەتىم ق ۇلىن باۋىرىنا ىعىپ بايتالدىڭ,
الىستان تالىپ بايعىزدىڭ ءۇنى جەتكەنگە.
ۇكىنىڭ كوزىن ۇيالتقان سۇتتەي جارىق ءتۇن,
جىلقى جۋساتقان تىنىشتىعىڭا زارىقپىن.
قارا قوسىمنىڭ جىرتىعىن جاماپ جۇلدىزدار...
جاساعان يە-اي, نىعمەتىڭە قارىقپىن.
جالبىزدىسايدىڭ ساۋمالى ءتۇنى-اي... جالعاندا,
وزەگىم اڭقىپ, وزگەگە ءشولىم قانعان با؟!
سۇپ-سۋىق بۇلاق جارقىراپ اعىپ جاتادى,
ساپ-سالقىن ايدىڭ ساۋلەسى تۇنعان اڭعاردا.
اق شاعي بۇلتتار... التايدىڭ اسقار تاۋىندا,
ءموپ-ءمولدىر ءومىر مورلەنىپ قالعان جادىمدا.
كەڭ ءدۇنيانىڭ كەرىلە جۇتقان جۇپارىن,
جايلاۋدىڭ سول ءبىر بايانسىز راحات شاعىندا.
ۇلاربەك نۇرعالىم ۇلى.