2011 جىلعى 28 ءساۋىر №28-3/227 استانا قالاسى
2011 جىلى اۋىل حالقىنا جانە اۋىل شارۋاشىلىعى تاۋارلارىن وندىرۋشىلەرگە شاعىن كرەديت بەرۋ تۋرالى
«2011-2013 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ 2010 جىلعى 29 قاراشاداعى زاڭىن ىسكە اسىرۋ ماقساتىندا جانە قازاقستان رەسپۋبليكاسى ۇكىمەتىنىڭ 2006 جىلعى 7 شىلدەدەگى № 645 قاۋلىسىمەن بەكىتىلگەن اگروونەركاسىپتىك كەشەندى مامانداندىرىلعان ۇيىمداردىڭ قاتىسۋىمەن قولداۋ ەرەجەسىنىڭ 34 جانە 36-تارماقتارىنا سايكەس, بۇيىرامىن:
1. «اۋىل شارۋاشىلىعىن قارجىلاي قولداۋ قورى» اكتسيونەرلىك قوعامىنا مىنالار بەلگىلەنسىن:
1) اۋىل حالقىنا جانە اۋىل شارۋاشىلىعى تاۋارلارىن وندىرۋشىلەرگە شاعىن كرەديت بەرۋ كەزىندە:
سىياقى ستاۆكاسى جىلدىق - 9,5% -دان ارتىق ەمەس;
شاعىن كرەديتتەردى بەرۋ مەرزىمى – 3 جىلدان ارتىق ەمەس;
بەرىلەتىن شاعىن كرەديتتەردىڭ مولشەرى – 1 000,0 مىڭ تەڭگەدەن ارتىق ەمەس;
2) ءىرى قارا مالدىڭ انالىق باسىن جانە ەتتى تۇقىمدى ءتولدىڭ ءوسىمىن مولايتۋعا ارنالعان اسىل تۇقىمدى بۇقالاردى دامىتۋ ءۇشىن اۋىل شارۋاشىلىعى تاۋارلارىن وندىرۋشىلەرگە شاعىن كرەديت بەرۋ كەزىندە:
سىياقى ستاۆكاسى جىلدىق - 6% -دان ارتىق ەمەس;
شاعىن كرەديتتەردى بەرۋ مەرزىمى – 7 جىلدان ارتىق ەمەس;
بەرىلەتىن شاعىن كرەديتتەردىڭ مولشەرى – 8 500,0 مىڭ تەڭگەدەن ارتىق ەمەس.
2. اۋىلدىق اۋماقتار ىستەرى جونىندەگى كوميتەت (تۇڭعىشبەكوۆ س.ت.) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن جانە رەسمي جاريالانۋىن قامتاماسىز ەتسىن.
3. وسى بۇيرىق العاش رەت رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا.مامىتبەكوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 11 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6945 بولىپ ەنگىزىلدى.