وبلىس اكىمى سەرىك ءبىلالوۆ بىرقاتار لاۋازىم يەلەرىن جاڭالادى. ايماق باسشىسىنىڭ وكىمىمەن قىزىلجار اۋدانىنىڭ اكىمى قايرات پىشەنباەۆ باسقا جۇمىسقا اۋىسىپ, كوپ جىل بويى جشس-ىنە جەتەكشىلىك ەتكەن ۆيكتور رەدين اكىمدىككە تاعايىندالدى. ايىرتاۋ جانە ءۋاليحانوۆ اۋداندارىنىڭ اكىمدەرى قادىرباي توقتاسىن مەن ەسلام ۋاحيتوۆ ءوز وتىنىشتەرىمەن قىزمەتتەرىنەن بوساتىلىپ, ولاردىڭ ورنىن ەرلىك ءجاندىلدين مەن سەرىكباي تۇرالينوۆ باستى. العاشقىسى وبلىستىق ىشكى ساياسات باسقارماسى باستىعىنان كەلسە, سوڭعىسى ايىرتاۋ اۋدانى اكىمىنىڭ ورىنباسارى بولعان. وبلىستىق قارجى باسقارماسىنىڭ باستىعى ولگا پەرەپەچينانىڭ قىزمەتى تومەندەتىلىپ, بۇل ورىن شال اقىن اۋدانىنىڭ اكىمى ازامات امرينگە بۇيىردى. شالعايداعى اۋدانعا پەتروپاۆل قالاسى اكىمىنىڭ ورىنباسارى لاۋازىمىن اتقارعان ارناس نەسىپباەۆ جىبەرىلدى.
ءومىر ەسقالي.
سولتۇستىك قازاقستان وبلىسى.