قازاقستان رەسپۋبليكاسى ءدىن ىستەرى اگەنتتىگى تۋرالى
قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن:
1. قازاقستان رەسپۋبليكاسى ءدىن ىستەرى اگەنتتىگىن (بۇدان ءارى – اگەنتتىك) ءبولىپ شىعارۋ جولىمەن, وعان كونفەسسياارالىق كەلىسىم, ازاماتتاردىڭ ءدىني سەنىم بوستاندىعىنا قۇقىقتارىن قامتاماسىز ەتۋ جانە ءدىني بىرلەستىكتەرمەن ءوزارا ءىس-قيمىل سالاسىنداعى فۋنكتسيالار مەن وكىلەتتىكتەردى بەرە وتىرىپ, قازاقستان رەسپۋبليكاسى مادەنيەت مينيسترلىگى قايتا ۇيىمداستىرىلسىن.
2. قازاقستان رەسپۋبليكاسىنىڭ ۇكىمەتى:
1) قازاقستان رەسپۋبليكاسى مادەنيەت مينيسترلىگىنىڭ ءدىني ىستەر كوميتەتىن تاراتسىن;
2) قازاقستان رەسپۋبليكاسى مادەنيەت مينيسترلىگىنىڭ تاراتىلاتىن ءدىني ىستەر كوميتەتىنىڭ شتات سانىن اگەنتتىككە بەرۋدى قامتاماسىز ەتسىن;
3) وسى جارلىقتى ىسكە اسىرۋ جونىندەگى وزگە دە قاجەتتى شارالاردى قابىلداسىن.
3. اگەنتتىك قازاقستان رەسپۋبليكاسى مادەنيەت مينيسترلىگىنىڭ تاراتىلاتىن ءدىني ىستەر كوميتەتىنىڭ مىندەتتەمەلەرى بويىنشا قۇقىق ميراسقورى بولىپ بەلگىلەنسىن.
4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى №6 جارلىعىنا مىناداي تولىقتىرۋ ەنگىزىلسىن:
1-تارماعى مىناداي مازمۇنداعى ابزاتسپەن تولىقتىرىلسىن:
«قازاقستان رەسپۋبليكاسى ءدىن ىستەرى اگەنتتىگى».
5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2011 جىلعى 18 مامىر. №84