«ماڭعىستاۋ جۇلدىزدارى» جارقىراي كورىندى

قازاق ەلى تاۋەلسىزدىگىنىڭ 20 جىلدىعىنا ارنالعان ونەر فەستيۆالىندە جاس تالانتتار بيىك تالاپ دەڭگەيىنەن تابىلا ءبىلدى وبلىستا قالىپتاسقان داستۇرگە اينا­لىپ, ءتورتىنشى رەت ۇيىمداستىرىلعان «ماڭ­عىستاۋ جۇلدىزدارى» اتتى ونەر فەستيۆالى ەكى اپتا بويى ايماقتىڭ اسپانىن ءان مەن كۇيگە بولەپ, ويداعىداي اياقتالدى. وعان 2 مىڭداي ونەرپاز قاتىسىپ, 7 اتا­لىم بويىنشا ونەر سايىسىنا ءتۇستى. مە­رەكەلى جىلداعى ونەر سايىسىنىڭ وزىندىك ەرەكشەلىكتەرى فەستۆالدىڭ ماڭىزىن تە­رەڭ­دەتە ءتۇستى. بۇرىنعى جىلدارداعى سا­يىس­تارعا قوسا ەكى بولىمنەن تۇراتىن باع­دار­لامانىڭ ەكىنشى بولىمىندە ەل تاۋەل­سىز­دىگىنە ارنالعان ساحنالىق كورىنىستەر, مۋ­زى­ك­الىق قويىلىم­دار جانە دە اۋىل-سە­لوداعى مادەني وشاق­تاردىڭ جۇمىستارى دا نازاردا بولدى.   بۇل جىلعى ونەر فەستيۆالىنىڭ تاعى ءبىر ەرەكشەلىگى مەن ماڭىزدىلىعى, ەل ىشىندەگى تالانتتى جاستاردى ىزدەپ, تاۋىپ, ولاردى ونەرسۇيەر حالىققا كەڭىنەن تانىس­تى­رۋىمىز بولدى – دەيدى وبلىستىق مادەنيەت باسقارماسىنىڭ باستىعى مايرا عۇماروۆا. ونەرلى جاستار ءۇشىن تاعى ءبىر تاعى­لىم­دى شارۋا فەستيۆالدە ءوز ونەرلەرىمەن جار­قى­راي كورىنگەن جاستارعا ونەر جولىن جالعاس­تىرۋعا جاعداي جاسالىپ, ولاردىڭ ءبىرازى وبلىستىڭ ونەر كوللەدجىندە ءبىلىم الۋعا شا­قىرىلىپتى. سونداي-اق, جوعارى وقۋ ورىن­دارىنا بارۋعا دا ۇسىنىس جاساپ, قولداۋ كورسەتىلەتىندىگى ايتىلدى. فەس­تي­ۆالدى ۇيىم­داستىرۋداعى تاعى ۇتىمدى ءتاسىل – بۇ­رىنعى جىلدارداعىداي ولاردى وبلىس ورتا­لىعىنا جيناپ, اسىعىپ-اپتى­عىپ وتكىزبەي, ءاربىر اۋىلدا, اۋدان, قالادا وتكىزۋ ونەردىڭ تاربيەلىك, تاعىلىمدىق ءمانىن تەرەڭدەتىپ قانا قويماي, وبلىس ور­تالىعىنا اياقتارى جە­تە بەرمەيتىن اۋىل جۇرتىنا كوڭىلدى ساتتەر سىيلاۋ بولعانى دەۋگە بولار. تاعى ءبىر اتاپ ايتارلىعى ونەرپازدارعا قاجەتتى كومەك پەن قولداۋ كو­رسەتۋشى ونەركاسىپ ورىندارى مەن كاسىپ­كەرلەردىڭ قاتارى دا كوبەيە تۇسكەن. وسى­نىڭ ءبارى «ماڭعىستاۋ جۇلدىزدارىنىڭ» جارقىراي تۇسۋىنە يگى ىقپال ەتكەنى كورى­نىپ-اق تۇر. قازىلار القا­سىنىڭ پىكىرىنشە, مەرەكەلى جىلدىڭ ونەر بايقاۋىنداعى ماڭ­عىستاۋ اۋدانى ونەر­پاز­دارىنىڭ «تاۋەل­سىزدىگىم – تەڭدىگىم», «ەركىندىگىم – ەلدىگىم», قاراقيالىقتاردىڭ «تاۋەل­سىزدىك – تۇعىرىم» ادەبي-سازدى قويى­لىم­دارى, اقتاۋ قالاسى ونەرپازدارىنىڭ «تاۋەل­سىز­دىك ماقتانىشى» اتتى كونتسەرتتىك باعدار­لا­ماسى ەل تاۋەلسىز­دىگىنىڭ قادىر-قا­سيەتىن, ءمان-ماڭىزىن اشا ءتۇسىپتى. تاۋەلسىز­دىگى­مىزدى انگە, جىرعا قوسقان جەكە ونەر­پازدار ەڭبەگى ولاردى ودان ءارى تو­لىقتىرىپ, تۇل­عا­لاندىرا تۇسكەن. بۇل ونەر فەستيۆالى سونىسىمەن ەرەكشە ەستە قال­اتىن­داي ءساتتى ءوتتى. ەكى اپتاعا سوزىلعان ءان-جىر مەرەكەسى اقتاۋدا ۇلكەن گالا-كونتسەرتپەن اياقتالىپ, كورەرمەندەر كوڭىلىنەن شىقتى. سول سال­تا­ناتتى كەشتە وبلىستىق «ماڭعىس­تاۋ جۇل­دىز­دارى» ونەر فەستيۆالىنىڭ باس جۇلدەسى ماڭعىستاۋ اۋدانىنا تاپسى­رىل­دى. سون­داي-اق «نۇر وتان» حدپ وبلىستىق في­ليالى تاعايىنداعان باس جۇلدە قاراقيا اۋدا­نى­نىڭ ونەرپازدارىنا بەرىلدى. ءبىرىنشى ورىن تۇپقاراعان اۋدانىنا, وبلىس قا­لا­لارى اراسىندا ءبىرىنشى ورىن اقتاۋ قالاسى ونەر­پازدارىنا بەرىلدى. جالپى, ونەر فەستيۆالىنە قاتىسىپ, ۇزدىك ونەر كورسەتكەن الپىستان استام جەكە ونەر­پاز­دار مەن وتىزدان استام ونەر ۇجىم­دارى ار­نايى سىيلىقتار مەن ديپلومدارعا يە بولدى. جولامان بوشالاق, اقتاۋ.