«Astana Taxi جوباسى – بيزنەس پەن مەملەكەتتىڭ ءوزارا ارىپتەستىگىنىڭ ايقىن مىسالى, جوبانى ىسكە اسىرۋ ءۇشىن بيۋدجەتتەن شىعىن شىققان جوق. باستاما ءبىزدىڭ جاقتان بولدى. ءبىز بارلىق پرەفەرەنتسيالاردى, رەسۋرستاردى پايدالانا وتىرىپ, زاڭداستىرىلعان جەكە-جەكە تاكسي-كومپانيالارىن بىرىكتىردىك, ولار قاۋىمداستىق قۇرىپ, بىرىڭعاي نەگىزدە قىزمەت كورسەتەتىن «Astana Taxi» سەرۆيسىن قۇردى, بۇل كولىكتەردىڭ سىرتقى كورىنىسى بىردەي, اقىسى پوستەرمينال ارقىلى تولەنەدى, بىرىڭعاي تاريف. ەگەر «ەكو» نەمەسە «جەبە» تاكسي وپەراتورلارىندا ساپار ءۇشىن ەڭ تومەنگى باعا 750 تەڭگە بولسا, قازىر تومەنگى سوماسى 500 تەڭگەنى قۇرايدى», - دەپ ءمالىم ەتتى استانا ق. اكىمىنىڭ ورىنباسارى ماليكا بەكتۇروۆا.
جوبانىڭ ماقساتى زاڭدى اۆتوتاسىمالداۋشىلاردىڭ سانىن ارتتىرۋ ارقىلى حالىقتىڭ ءجۇرىپ-تۇرۋى قاۋىپسىزدىگىن قامتاماسىز ەتۋ.
بۇگىنگى كۇنى جوبا اياسىندا قوسىمشا 200 دانا ءاۆتوموبيلدى ىسكە قوسۋعا بايلانىستى دايىندىق جۇمىستارى ءجۇرىپ جاتىر. سونداي-اق, ەكسپو كورمەسىنىڭ قارساڭىندا قالا جولدارىنا تاعى 300 جاڭا اۆتوكولىك پەن قولدانىستاعى تاكسوموتورلى كومپانيالاردىڭ 300 كولىگى شىعادى. بارلىق اۆتوكولىكتەر ءبىر ستيلدە بەزەندىرىلەدى.
جاڭا رەسمي تاكسي قىزمەتىنىڭ تاعى ءبىر ارتىقشىلىعى - Bus Lane سىزىعىمەن ءجۇرۋ مۇمكىندىگى, سونداي-اق, ولارعا ءىرى سوسو, تەمىرجول ۆوكزالىنىڭ, اۋەجايدىڭ الدىندا قوسىمشا تۇراق ورىندارى بولىنەدى, ياعني, اكىمدىك تاراپىنان جان-جاقتى قولداۋ. بۇل پرەفەرەنتسيالار مەن مەملەكەتتىك قولداۋ قۇرالدارى تاكسوموتورلىق كومپانيالارعا سەنىمدىلىك بەرەدى, بيزنەستى دامىتۋعا جاعداي جاسايدى, دەدى ماليكا بەكتۇروۆا.
باعدارلامانىڭ بارلىق قاتىسۋشىلارى ەلوردا اكىمدىگىمەن كەلىسىمگە قول قويعان, وندا جۇرگىزۋشىلەردى وقىتۋ بويىنشا مىندەتتەمەلەر, اۆتوكولىكتىڭ سىرتقى ءتۇرى, تەحنيكالىق جاعدايى, بىرىڭعاي تاريفيكاتسيا بويىنشا زاڭ تالاپتارىن ساقتاۋ بويىنشا مىندەتتەمەلەر جازىلعان.
مەملەكەت باسشىسىنىڭ وتاندىق اۆتوكولىك ونەركاسىبىن قولداۋ جانە استانا, الماتى قالالارىندا, باسقا وڭىرلەردە بىردەي تاكسي قىزمەتىن قۇرۋ تۋرالى حاتتامالىق تاپسىرماسىنا سايكەس, اۆتوكولىكتەر قازاقستاندا قۇراستىرىلادى.
«ەلوردا اكىمدىگى مەملەكەت باسشىسىنىڭ تاپسىرمالارىن ورىنداۋدىڭ ءتيىمدى تەتىگىن تاپتى. ونىڭ شەڭبەرىندە «دامۋ» قورى جەڭىلدىكتى نەسيەلەۋ بەردى. «ازيا اۆتو» اق جەڭىلدىكتى شارتتارمەن تارتىمدى باعامەن ىڭعايلى اۆتوكولىك ۇسىندى. وسىنداي بىرلەسكەن شارالاردىڭ ناتيجەسىندە زاماناۋي تاكسي قىزمەتى قۇرىلدى. ءبىزدىڭ كومپانيا وسكەمەندە ساپالى كولىك قۇراستىرۋمەن اينالىسادى. ءوندىرىس 2009 جىلى ىسكە قوسىلعان. بىزدە مۋلتيبرەندتىك جەلى قالىپتاسقان, اتاپ ايتاتىن بولساق, «كيا», «شەۆرولە», «شكودا» جانە «لادا». بۇگىنگى كۇنى بۇل قازاقستاندا قۇراستىرىلاتىن ەڭ اۋقىمدى مودەلدەر قاتارى», - دەپ ءمالىم ەتتى «بيپەكاۆتو» كومپانيالار توبىنىڭ كوممەرتسيالىق ديرەكتورى سانجار اجىعاليەۆ.
جوبانىڭ ەكىنشى كەزەڭى جانە قوسىمشا سەرۆيستەر استانادا قىركۇيەك ايىنا دەيىن ىسكە قوسىلادى, جەلىگە 300 قوسىمشا تاكسي كولىگى شىعادى. جولاۋشىلار ءۇشىن تاكسي سالونىندا «تەگىن Wi-Fi» قىزمەتى ۇسىنىلادى. جاڭا تاكسي قىزمەتى ەلوردا تۇرعىندارى مەن قوناقتارىنا بىرقاتار ارتىقشىلىقتار بەرەدى. اتاپ ايتقاندا, قالالىق جانە ءموبيلدى بايلانىس ارقىلى 15 800 ءنومىرى ارقىلى قوسىلۋعا مۇمكىندىك بەرەتىن بىرىڭعاي Call Center. بارلىق اۆتوكولىكتەر ءبىر ستيلدە بەزەندىرىلەدى. تاكسي شاقىرۋ ءۇشىن ىڭعايلى ASTANA TAXI قوسىمشاسى. ءاربىر تاكسيدە تاكسومەتردىڭ بولۋى. كارتوچكامەن تولەۋ جاساۋ ءۇشىن POSتەرمينالدىڭ بولۋى.