2010 جىلعى 9 جەلتوقسان №327 استانا قالاسى
باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتاردى بەكىتۋ تۋرالى
قازاقستان رەسپۋبليكاسى ادىلەت مينيسترلىگىنىڭ بۇيرىعى
«قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسى زاڭىنىڭ 19-بابىنا سايكەس, بۇيىرامىن:
1. قوسا بەرىلىپ وتىرعان «باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتار» بەكىتىلسىن.
2. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ادىلەت ۆيتسە-مينيسترىنە جۇكتەلسىن.
3. وسى بۇيرىق ونى العاش رەسمي جاريالاعان كۇننەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى د.قۇسداۋلەتوۆ.
قازاقستان رەسپۋبليكاسى ادىلەت ءمينيسترى مىندەتىن اتقارۋشىنىڭ 2010 جىلعى 09 جەلتوقسانداعى № 327 بۇيرىعىمەن بەكىتىلگەن
«باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتار»
1. جالپى ەرەجەلەر
1. وسى باعالاۋ تۋرالى ەسەپتىڭ نىسانى مەن مازمۇنىنا قويىلاتىن تالاپتار (بۇدان ءارى – تالاپتار) حالىقارالىق باعالاۋ ستاندارتتارىن پايدالانا وتىرىپ, «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) نەگىزىندە ازىرلەندى جانە باعالاۋ تۋرالى ەسەپتىك نىسانى مەن مازمۇنىنا, باعالاۋ تۋرالى ەسەپتە پايدالانىلاتىن اقپاراتقا, سونداي-اق ءادىسنامادا جانە ەسەپتەۋدە قولدانىلاتىن باعالاۋ تۋرالى ەسەپتەگى سيپاتتامالارعا قويىلاتىن تالاپتاردى بەلگىلەيدى.
2. وسى تالاپتار قازاقستان رەسپۋبليكاسىنىڭ اۋماعىندا باعالاۋ قىزمەتىن جۇزەگە اسىرۋ كەزىندە قولدانۋدا مىندەتتى بولىپ تابىلادى.
3. باعالاۋ تۋرالى ەسەپ باعالاۋ جۇرگىزۋدى قورىتىندىسى بويىنشا جاسالادى. باعالاۋ تۋرالى ەسەپ زاڭعا, وسى تالاپتارعا, حالىقارالىق ستاندارتتارعا جانە باعالاۋ قىزمەتى ستاندارتتارىنا سايكەس جاسالعان قۇجاتتى بىلدىرەدى.
4. ەسەپتىڭ تاپسىرىسشىسى – باعالاۋ وبەكتىسىنىڭ مەنشىك يەسى نەمەسە باعالاۋ تۋرالى شارتتى جاساۋعا قۇجات تۇرىندە راستالعان نەگىزدەمەسى بار وزگە دە ادامدار, سونداي-اق زاڭنامادا بەلگىلەنگەن جاعدايلاردا سوت نەمەسە ۋاكىلەتتى ورگان.
2. باعالاۋ تۋرالى ەسەپ نىسانىنا قويىلاتىن تالاپتار
5. باعالاۋ تۋرالى ەسەپ:
1) تەكسەرىلگەن كۇنى, وسى كەزدە قاتىسىپ وتىرعان باعالاۋشىنىڭ, تاپسىرىسشىنىڭ جانە/نەمەسە مەنشىك يەسىنىڭ ت.ا.ءا. كورسەتىلگەن باعالاۋ وبەكتىسىن تەكسەرۋ اكتىسىن قامتيدى جانە جوعارىدا كورسەتىلگەن ادامداردىڭ قولىمەن كۋالاندىرىلادى; باعالاۋ وبەكتىسى قارجىلىق مۇددە نەمەسە باسقا دا ماتەريالدىق ەمەس باعالاۋ وبەكتىلەرى بولىپ تابىلاتىن جەكەلەگەن جاعدايلاردا تەكسەرۋ اكتىسى مىندەتتى ەمەس;
2) قۇنىمەن ايقىندالاتىن ەسەپتەۋدى جۇرگىزۋگە جانە ەسەپكە ساراپتاما جاساۋ كەزىندە ۇقساس ناتيجەلەرگە اكەلۋگە مۇمكىندىك بەرە وتىرىپ, باعالاۋ وبەكتىسى جان-جاقتى سيپاتتالاتىن;
قاعاز تاسىمالداعىشتا شىعارىلاتىن جانە باعالاۋشىنىڭ مۇراعاتىندا بەس جىل بويى ساقتالاتىن ەسەپتىڭ داناسىنا قوسا بەرىلەتىن كوزگە ناقتى سىلتەمەلەرمەن راستالعان;
ەگەر ۇلتتىق باعالاۋ ستاندارتتارىنا سايكەس مىندەتتى بولىپ تابىلماسا, باعالاۋ جۇرگىزۋ كەزىندە ارتىق بولماۋى جانە پايدالانىلماۋى ءتيىس ەلەۋلى اقپاراتتى;
3) باعالاۋ ستاندارتتارىنا ءسايكەس قۇنىن ەسەپتەۋدى جۇرگىزۋ نەگىزدەلەتىن, قولدانىلاتىن امالدار مەن ءتاسىلدەردىڭ قىسقاشا سيپاتتاماسى قامتيدى.
نىسان مەن مازمۇن بويىنشا ەسەپ زاڭنىڭ تالاپتارىنا, باعالاۋ ستاندارتتارىنا سايكەس كەلۋگە ءتيىس;
6. تۇرعىزىلماعان وبەكتىگە نەمەسە باعالاۋ قىزمەتى سالاسىنداعى نورماتيۆتىك قۇقىقتىق اكتىلەردىڭ تالاپتارى, باعالاۋ ستاندارتتارى بۇزىلىپ, باعالاۋ وبەكتىسىنىڭ نارىقتىق نەمەسە وزگە دە قۇنىن بۇرمالاۋعا اكەلەتىن شىنايى ەمەس دەرەكتەردى باعالاۋ تۋرالى ەسەپتە پايدالانىپ جۇزەگە اسىرىلعان باعا شىنايى ەمەس باعا دەپ تانىلادى.
7. العاشقى بەتتەن باسقا, باعالاۋ تۋرالى ەسەپتىڭ پاراقتارى بەتتەرى بويىنشا نومىرلەنەدى, تىگىلەدى جانە باعالاۋدى جۇرگىزگەن باعالاۋشىلار ءار بەتىنە قول قويادى, بۇل رەتتە فاكسيميلەنى پايدالانۋعا جول بەرىلەدى.
باعالاۋ قىزمەتىن جۇزەگە اسىرۋعا ليتسەنزياسى بار جانە جەكە كاسىپكەر بولىپ تابىلاتىن باعالاۋشى جاساعان ەسەپكە ول قول قويادى جانە ونىڭ جەكە مورىمەن كۋالاندىرىلادى.
باعالاۋ قىزمەتىن جۇزەگە اسىرۋعا ليتسەنزياسى بار جەكە تۇلعانىڭ ەسەبىنە باعالاۋشىلار قول قويادى, زاڭدى تۇلعانىڭ باسشىسى بەكىتەدى جانە مورمەن كۋالاندىرىلادى.
8. ەسەپتىڭ شەكتەۋلى جاعدايلارىندا ەسەپتى تولىعىمەن, بولىكتەرىمەن نەمەسە جەكەلەگەن سىلتەمەلەرمەن, ەسەپتە قامتىلعان دەرەكتەردى, باعالاۋشىنىڭ اتى مەن كاسىبي تيەسىلىگىن ونىڭ جازباشا كەلىسىمىنسىز جاريالاۋعا تىيىم سالىنادى.
9. شارتتا بەلگىلەنگەن تاپسىرىسشىنىڭ تالاپتارىنا سايكەس باعالاۋ تۋرالى ەسەپ مىناداي شارتتار ساقتالا وتىرىپ, ورىندالا جانە تاپسىرىسشىعا ەلەكتروندى تۇرىندە بەرىلەدى:
1) جىبەرىلگەن ەسەپ باعالاۋشىدا قاتاڭ ديسكىدە ەسەپتەردىڭ ەلەكتروندىق بازاسىندا جانە كوشىرمەسى لازەرلى ديسكىدە ساقتالادى;
2) ەسەپ اۆتوردان باسقاعا, وعان وزگەرىستەر ەنگىزۋدەن ەسەپتى سەنىمدى قورعاۋعا مۇمكىندىك بەرەتىن فورماتتا بەرىلەدى;
3) مۇراعاتتا قاعاز تاسىمالداعىشتاعى دانامەن ەسەپتى جىبەرۋشىنىڭ ەلەكتروندى مەكەنجايى, ەسەپتى بەرگەن وپەراتوردىڭ ت.ا.ءا., قابىلدانعان كۇنى مەن ۋاقىتى تۋرالى مالىمەتتەرى بار فايلداردىڭ باسىپ شىعارىلعاندارى, سونداي-اق تاپسىرىسشىنىڭ ەسەپتى العانىن راستايتىن اقپارات تىگىلۋى ءتيىس;
4) ەگەر تاپسىرىسشىعا ەلەكتروندى تاسىمالداعىشتا ەسەپتى بەرۋ تالاپ ەتىلگەن جاعدايدا, ەلەكتروندىق ەسەپ باعالاۋشىدا ەلەكتروندى تسيفرلىق قول تاڭباسى بولعان كەزدە عانا قولدانىستاعى زاڭناماعا سايكەس ۇسىنىلادى, بۇل رەتتە باعالاۋشىنىڭ مۇراعاتىندا تاپسىرىسشىنىڭ وسى ەسەپتى قابىلداعانى تۋرالى قولبەلگىمەن قاعاز تاسىمالداعىشتاعى ەسەپتىڭ نۇسقاسى ساقتالۋى ءتيىس.
3. باعالاۋ تۋرالى ەسەپتىڭ مازمۇنىنا قويىلاتىن تالاپتار
10. باعالاۋ وبەكتىسىنىڭ تۇرىنە قاراماستان, باعالاۋ تۋرالى ەسەپتى مىناداي مىندەتتى بولىمدەر مەن بولىكتەر قامتىلادى:
1) العاشقى پاراق;
2) ىلەسپە حات (تاپسىرىسشىنىڭ كەلىسىم بويىنشا);
3) ەسەپتىڭ مازمۇنى;
4) بىلىكتىلىك مىنەزدەمەلى كورسەتىلگەن باعالاۋشىلار مەن ورىنداۋشىلاردىڭ ءتىزىمى;
5) ەسەپ تۋرالى جالپى ءمالىمەتتەر;
6) باعالاۋ وبەكتىسىنىڭ جالپى مالىمەتتەرى جانە سيپاتتاماسى;
7) ەسەپتىڭ ەسەپتەۋ بولىگى;
8) ەسەپتىڭ قورىتىندى بولىگى;
9) قوسىمشا.
وسى تارماقتىڭ 1-6) تارماقشالارىندا سانامالانعان ەسەپتىڭ بولىكتەرى ونىڭ قوسىمشالارىن ەسەپتەمەگەندە, ەسەپتىڭ مازمۇنىنىڭ جارتىسىنان اسپايدى.
11. العاشقى پاراق مىنانى قامتۋى ءتيىس:
1) ەسەپتىڭ اتاۋى;
2) ەسەپتىڭ ءنومىرى;
3) ەسەپتىڭ جاسالعان كۇنى;
4) وبەكتىنىڭ اتاۋى جانە ورنالاسقان جەرى;
5) باعالاۋ كۇنى;
6) باعالاۋ تۋرالى شارتتىڭ ءنومىرى جانە جاسالعان كۇنى;
7) ايقىندالاتىن قۇننىڭ ءتۇرى ء(تيپى);
8) تاپسىرىسشىنىڭ تولىق اتاۋى نەمەسە ت.ا.ءا., ونىڭ ورنالاسقان جەرى, بانكتىك دەرەكتەمەلەرى;
9) باعالاۋشىنىڭ تولىق اتاۋى نەمەسە ت.ا.ءا., ونىڭ ورنالاسقان جەرى, بانكتىك دەرەكتەمەلەرى, باعالاۋشى مۇشە بولىپ تابىلاتىن پالاتا;
10) مورمەن كۋالاندىرۋ, ەسەپتى بەكىتكەن ادامنىڭ ت.ا.ءا. جانە قولى.
12. ىلەسپە حاتتا مىنالار قامتىلادى:
1) باعالاۋ ماقساتى مەن نىساناسى;
2) باعالاۋ وبەكتىسىن سايكەستەندىرەتىن جالپى اقپارات;
3) ەسەپتە پايدالانىلعان باعالاۋ امالدارى مەن ادىستەرى;
4) باعالاۋ وبەكتىسى قۇنىنىڭ قورىتىندى شاماسى.
13. ەسەپتىڭ مازمۇنى بەتتەرى كورسەتىلگەن ونىڭ قۇرامىنا ەنگەن بولىمدەردى (كىشى بولىمدەردى) كورسەتەدى.
14. ەسەپ تۋرالى جالپى مالىمەتتەر:
1) باعالاۋ تاپسىرماسى:
باعالاناتىن وبەكت;
وبەكتىنىڭ مەنشىك يەسى;
وبەكتىنىڭ ورنالاسقان جەرى;
باعالاناتىن قۇقىق;
باعالاۋ ماقساتى;
باعالاۋ ءتۇرى (باستاماشىلىق نەمەسە مىندەتتى);
باعالاۋ نىساناسى (نە ءۇشىن وبەكت باعالانادى) جانە كەز كەلگەن وسىمەن بولجاناتىن شەكتەۋ;
باعالاۋ كۇنى (باعالاۋ جارامدى بولاتىن كۇن نەمەسە ۋاقىت ارالىعى) جانە ەسەپتىڭ كۇنى;
باعالاناتىن م ۇلىكتىڭ (جىلجىمالى, جىلجىمايتىن م ۇلىك, جۇمىس ىستەيتىن كاسىپورىن (بيزنەس) نەمەسە باعالاۋعا جاتاتىن باسقا دا م ۇلىك, سونداي-اق نەگىزگى وبەكتىدەن بولەك باعالاۋعا ەنگەن م ۇلىكتەردىڭ باسقا دا سىنىپتارى) سايكەستەندىرىلۋى;
م ۇلىكتىك قۇقىقتاردىڭ سايكەستەندىرىلۋى (جەكە نەمەسە مەملەكەتتىك مەنشىك, جەكە كاسىپكەرلىك, جشس, اق نەمەسە ءىشىنارا قۇقىق, مىسالى, جالعا الۋ);
بەلگىلەنەتىن قۇننىڭ بازاسى مەن ءتيپىنىڭ انىقتاماسى;
2) باعالاۋشىنىڭ بىلىكتىلىك مىنەزدەمەسى:
ەگەر باعالاۋدى باعالاۋ كومپانياسى ورىنداسا, باعالاۋشى – زاڭدى تۇلعانىڭ ليتسەنزياسى تۋرالى مالىمەت;
باعالاۋشىنىڭ ازاماتتىق-قۇقىقتىق جاۋاپكەرشىلىگى تۋرالى مالىمەت;
ليتسەنزياسىنىڭ بولۋى جانە قانداي پالاتانىڭ مۇشەسى بولىپ تابىلاتىندىعى تۋرالى مالىمەتتەر كورسەتىلگەن باعالاۋشىلاردىڭ ءتىزىمى;
2) باعالاۋدى جۇرگىزۋ كەزىندە باعالۋشى پايدالانعان جورامالدار مەن شەكتەۋ شارتتارى;
4) باعالاۋ كەزىندە پايدالانىلعان قۇجاتتار تىزبەسى:
باعالاۋ ءۇشىن پايدالانىلاتىن نورماتيۆتىك قۇقىقتىق اكتىلەر;
باعالاۋ ستاندارتتارى;
باعالاۋشى پايدالاناتىن جانە باعالاۋ وبەكتىسىنىڭ ساندىق جانە ساپالىق سيپاتتاماسىن بەلگىلەيتىن قۇجاتتار تىزبەسى;
ولاردى العان كوزدەرى كورسەتىلگەن باعالاۋ جۇرگىزۋ كەزىندە پايدالانىلعان دەرەكتەر تىزبەسى;
5) ەسەپتە قولدانىلاتىن نەگىزگى تەرميندەر مەن انىقتامالار.
15. جالپى مالىمەتتەر جانە باعالاۋ وبەكتىسىنىڭ سيپاتتاماسى:
باعالاۋ وبەكتىسى تەكسەرىلگەن كۇن;
وبەكتىنىڭ سيپاتتاماسى مەن جاي-كۇيى;
وبەكتىنىڭ قۇرامى;
باعالاۋ وبەكتىسىنىڭ نىسانى مەن اعىمداعى پايدالانىلۋى;
باعالاۋ وبەكتىسى ورنالاسقان جەردىڭ سيپاتى;
باعالاناتىن وبەكتىنىڭ نەگىزگى سيپاتتامالارىنىڭ سيپاتى, ءتيىستى ستاندارتتاردا بەلگىلەنەتىن قۇرامى;
كاسىپورىنداردى جانە ءىرى جىلجىمايتىن م ۇلىك وبەكتىلەرىن باعالاۋ كەزىندە نەسيە بەرۋ ماقساتىندا قوسىمشا كورسەتىلەدى:
وڭىردەگى جالپى ەكونوميكالىق احۋالعا جانە الەۋمەتتىك-ەكونوميكالىق احۋالعا شولۋ;
باعالاناتىن وبەكتىنىڭ نارىعىندا اعىمداعى بەلسەندىلىك پەن بەتالىستارعا شولۋ;
سالالىق شولۋ (ەگەر بەلگىلى ءبىر تاۋارلاردى (قىزمەت كورسەتۋلەردى) ءوندىرۋ ۇيىمداستىرىلعان م ۇلىك كەشەنىنىڭ قۇرامىنا كىرەتىن جىلجىمايتىن م ۇلىك باعالاناتىن جاعدايدا جاسالادى).
16. ەسەپتەۋ بولىگى مىنانى قامتيدى:
1) باعالاۋ ءادىسناماسى:
ءۇش امالداعى ءادىس ءمانىنىڭ قىسقاشا جازىلۋى جانە وسى ەسەپتە قولدانىلعان امالداردى تاڭداۋ نەگىزدەمەسى;
تاڭداپ الىنعان امالدار/ادىستەر قولدانىلعان باعالاۋ پروتسەسسىنىڭ سيپاتى;
2) شىعىندىق امال ادىسىمەن ورىندالعان ەسەپتەر مىنانى قامتيدى:
شىنايى اقپارات كوزىنە سىلتەمەمەن باعالاۋ وبەكتىسىنىڭ تولىق قالپىنا كەلتىرۋ قۇنىنىڭ ەسەبى;
جيناقتالعان توزۋ ەسەبى;
3) نارىقتىق ءادىس امالىمەن ورىندالعان ەسەپتەر مىنانى قامتيدى:
سالىستىرىلاتىن وبەكتىلەردى (كەمىندە ەكەۋ) تاڭداۋ;
سالىستىرىلاتىن وبەكتىلەر تۋرالى اقپارات كوزدەرى, سونىڭ ىشىندە:
باسپا باسىلىمى ءۇشىن باسپانىڭ اتاۋى, جىلى, باسپانىڭ ءنومىرى, بەتتەردىڭ ءنومىرى كورسەتىلەدى;
ينتەرنەت-رەسۋرستار ءۇشىن سىلتەمە, ينتەرنەت-رەسۋرستىڭ اتاۋى جانە /نەمەسە كومپانيانىڭ اتاۋى, ءتيىستى سىلەتەمە جۇگىنگەن كۇنى كورسەتىلەدى;
ەلەكتروندىق پوچتامەن الىنعان دەرەكتەر باسىپ شىعارىلادى جانە قاعاز نۇسقاسىندا تىگىلەدى;
ءاربىر سالىستىرىلاتىن وبەكت ءۇشىن سالىستىرۋ بىرىلىگى قۇنىنىڭ تۇزەتىلگەن ءمانىنىڭ ەسەبى;
4) كىرىستىك امال ادىسىمەن ورىندالعان ەسەپتەر مىنانى قامتيدى:
اقشا اعىنىنىڭ بولجامى;
كىرىستەر مەن شىعىستار شاماسىنىڭ ەسەبى;
ديسكونت ستاۆكالارىنىڭ جانە (نەمەسە) كاپيتالداندىرۋ ستاۆكالارىنىڭ ەسەبى;
تەرمينالدى (رەۆەرسيالىق) قۇن ەسەبى (قاجەت جاعدايدا);
نارىقتىڭ قۇننىڭ ەسەبى;
5) «باعالاۋ ناتيجەلەرىن كەلىسۋ» ءبولىمى مىنانى قامتيدى:
باعالاناتىن م ۇلىكتىڭ ەرەكشەلىكتەرىن تالداۋعا جانە باعالاۋ نىساناسىنا نەگىزدەلگەن باعالاۋ ناتيجەلەرىن كەلىسۋ ءادىسىنىڭ نەگىزدەمەسى. وعان بايلانىستى قورىتىندى قۇن رەتىندە تەك ءبىر ناتيجە نەمەسە م ۇلىكتى باعالاۋدىڭ بىرنەشە الىنعان ناتيجەلەرىنىڭ سالماقتى شاماسى قابىلدانادى.
17. قورىتىندى بولىك وبەكت قۇنىنىڭ شاماسى تۋرالى جيىنتىق قورىتىندىنى قامتيدى.
قۇننىڭ قورىتىندى شاماسى قازاقستان رەسپۋبليكاسىنىڭ ۆاليۋتاسىندا (تەڭگەمەن) كورسەتىلەدى جانە جاقشادا وسى سومانى جازباشا تولىق جازىلعان مىڭ تەڭگەگە دەيىن دوڭگەلەنگەن تسيفر تۇرىندە كورسەتىلەدى. تاپسىرىسشىمەن ۋاعدالاستىققا سايكەس قورىتىندى باعا ءبىر تەڭگەگە دەيىنگى دالدىكپەن كورسەتىلۋى مۇمكىن.
تومەندە «باعالاۋ تۋرالى ەسەپتە كورسەتىلگەن باعالاۋ وبەكتىسى قۇنىنىڭ قورىتىندى شاماسى, ەگەر باعالاۋ تۋرالى ەسەپ جاسالعان كۇننەن باستاپ باعالاۋ وبەكتىسىمەن مامىلە جاسالعان كۇنگە نەمەسە كوپشىلىك وفەرتا ۇسىنىلعان كۇنگە دەيىن التى اي وتسە, باعالاۋ وبەكتىسىمەن مامىلە جاساۋ ماقساتى ءۇشىن ۇسىنىلادى دەپ تانىلاتىندىعى» كورسەتىلەدى.
ەسەپتىڭ قورىتىندى بولىگىنە باعالاۋ جانە ەسەپتى جاساۋ جۇمىستارىنا قاتىسقان باعالاۋشىلار قول قويادى.
18. ەسەپكە قوسىمشالاردا مىنالار قامتىلادى:
1) وسى تالاپتىڭ 5-تارماعى 1) تارماقشاسىنا سايكەس باعالاۋ وبەكتىسىن تەكسەرۋ اكتىسى;
2) پالاتاعا مۇشەلىك تۋرالى كۋالىكتىڭ كوشىرمەسى;
3) باعالاۋ وبەكتىسىنىڭ فوتوسۋرەتى (تەك جىلجىمايتىن م ۇلىك, كولىك, جابدىق جانە باسقا دا ماتەريالدى م ۇلىك ءۇشىن);
4) ەسەپتەۋ كەستەلەرى (ەگەر ولار بولسا);
5) كاسىپورىنداردىڭ اكتيۆتەر تىزبەسىمەن جانە ولاردىڭ نارىقتىق قۇنىمەن كەستەلەر (قاجەت كەزدە).
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 20 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6688 بولىپ ەنگىزىلدى.