قازاقستان رەسپۋبليكاسى پرەزيدەنتىنىڭ 2011 جىلعى 10 مامىرداعى №76 جارلىعىمەن بەكىتىلگەن
مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» مارتەبە بەرۋدىڭ
قاعيداسى مەن شارتتارى
1. جالپى ەرەجەلەر 1. وسى مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» مارتەبە بەرۋدىڭ قاعيداسى مەن شارتتارى (بۇدان ءارى – قاعيدا) «مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسىنىڭ زاڭىنا سايكەس ازىرلەنگەن جانە مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» مارتەبە بەرۋدىڭ ءتارتىبى مەن شارتتارىن ايقىندايدى. 2. «ۇلتتىق» مارتەبە الۋعا ۇمىتكەر مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا قويىلاتىن تالاپتار 2. «ۇلتتىق» مارتەبە قىزمەتى مادەنيەت سالاسىندا ەرەكشە مەملەكەتتىك جانە قوعامدىق مانگە يە جانە مىناداي تالاپتارعا سايكەس كەلەتىن مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا بەرىلەدى: 1) مىنا: قازاقستان رەسپۋبليكاسىنىڭ ۇكىمەتى بەكىتەتىن تارتىپپەن بەرىلگەن «اكادەميالىق» مارتەبەسى بار; ەلدە جانە شەتەلدە جىلىنا كەمىندە الپىس كونتسەرت وتكىزەتىن كونتسەرتتىك ۇيىمدار, جەكەلەگەن كاسىبي كوركەم, شىعارماشىلىق ۇجىمدار; جاڭا قويىلىمداردى قوسا العاندا, جىلىنا كەمىندە ەكى ءجۇز سپەكتاكل كورسەتۋدى جۇزەگە اسىراتىن تەاترلار; جەكە تۇرعان عيماراتى بار تەاترلار, كونتسەرتتىك ۇيىمدار, جەكەلەگەن كاسىبي كوركەم, شىعارماشىلىق ۇجىمدار; 2) مىنا: كەمىندە جيىرما بەس جىل تۇراقتى جانە ءتيىمدى قىزمەتتى جۇزەگە اسىرىپ كەلە جاتقان; ءوز قىزمەتىندە كاسىپقويلىقتى, جۇمىستىڭ تيىمدىلىگى مەن ساپاسىن ارتتىرۋ ءۇشىن يننوۆاتسيالار ەنگىزەتىن; جەكە تۇرعان عيماراتى بار; حالىقارالىق باعدارلامالار مەن جوبالارعا قاتىساتىن; مۇراجايلاردا مۇراجاي قورىنىڭ قۇرامىندا ۇلتتىق مادەني يگىلىك بولىپ تابىلاتىن مادەني قۇندىلىقتاردىڭ كەمىندە ون پايىزى بار; كىتاپحانالاردا كىتاپحانا قورىنىڭ قۇرامىندا كەمىندە ون پايىزى ۇلتتىق مادەني يگىلىك بولىپ تابىلاتىن سيرەك قولجازبالاردىڭ, كونە كىتاپتاردىڭ, قۇجاتتار مەن باسىلىمداردىڭ كوللەكتسيالارى بار مۇراجايلار مەن كىتاپحانالار. 3. تەاترلارعا, كونتسەرتتىك ۇيىمدارعا, جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» مارتەبە بەرۋ «اكادەميالىق» مارتەبە بەرىلگەن ساتىنەن باستاپ كەمىندە ون جىل وتكەن سوڭ جۇرگىزىلەدى. 3. «ۇلتتىق» مارتەبە بەرۋ ءتارتىبى 4. رەسپۋبليكالىق مەملەكەتتىك مادەنيەت ۇيىمدارىنىڭ جەتەكشىلەرى, سونداي-اق وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ باسشىلارى مادەنيەت سالاسىنداعى ورتالىق ۋاكىلەتتى ورگانعا (بۇدان ءارى – ۋاكىلەتتى ورگان) «ۇلتتىق» مارتەبە بەرۋ تۋرالى قولداۋحات ۇسىنادى. قولداۋحاتقا مىناداي قۇجاتتار قوسا بەرىلەدى: 1) مەملەكەتتىك مادەنيەت ۇيىمى, جەكەلەگەن كاسىبي كوركەم, شىعارماشىلىق ۇجىم قىزمەتكەرلەرىنىڭ جالپى جينالىسىنىڭ «ۇلتتىق» مارتەبە بەرۋگە ۇسىنۋ تۋرالى حاتتاماسىنان ءۇزىندى كوشىرمە; 2) مەملەكەتتىك مادەنيەت ۇيىمىنىڭ, جەكەلەگەن كاسىبي كوركەم, شىعارماشىلىق ۇجىمنىڭ قىزمەتى تۋرالى قازاقستاننىڭ مادەنيەتى مەن ونەرىنىڭ دامۋىنا قوسقان ۇلەسىن كورسەتەتىن انىقتاما; 3) كسرو-نىڭ جانە (نەمەسە) قازاقستان رەسپۋبليكاسىنىڭ مەملەكەتتىك ناگرادالارى بار ءمادەنيەت قىزمەتكەرلەرى, شىعارماشىل قىزمەتكەرلەر تۋرالى ءمالىمەتتەر; 4) «اكادەميالىق» مارتەبە بەرىلگەن قۇجاتتىڭ كوشىرمەسى (تەاترلار, كونتسەرتتىك ۇيىمدار, جەكەلەگەن كاسىبي كوركەم, شىعارماشىلىق ۇجىمدار ءۇشىن); 5) قىزمەتى تۋرالى رەسپۋبليكالىق دەڭگەيدەگى بۇقارالىق اقپارات قۇرالدارىندا جانە شەتەلدىڭ بۇقارالىق اقپارات قۇرالدارىندا جاريالانعان ماتەريالداردىڭ (كەمىندە ون جاريالانىم) كوشىرمەلەرى; 6) مادەنيەت سالاسىنداعى ءىس-شارالارعا (رەسپۋبليكالىق جانە حالىقارالىق ماڭىزى بار كونكۋرستارعا, فەستيۆالدارعا, كورمەلەرگە) قاتىسقانى جانە (نەمەسە) جۇلدەلى ورىندار العانى تۋرالى كۋالاندىراتىن قۇجاتتاردىڭ كوشىرمەسى. 5. وسى قاعيدانىڭ 4-تارماعىندا كورسەتىلگەن قۇجاتتار تەاتردىڭ, كونتسەرتتىك ۇيىمنىڭ, جەكەلەگەن كاسىبي كوركەم, شىعارماشىلىق ۇجىمنىڭ «اكادەميالىق» مارتەبە بەرىلگەن ساتتەن باستاپ سىڭىرگەن ەڭبەگىن كورسەتۋگە ءتيىس. 6. قولداۋحاتتار اعىمداعى جىلدىڭ 1 شىلدەسىنە دەيىنگى مەرزىمدە ءۋاكىلەتتى ورگاننىڭ مەكەنجايىنا ءجىبەرىلۋگە ءتيىس. كورسەتىلگەن مەرزىمدى بۇزا وتىرىپ جىبەرىلگەن قولداۋحاتتار قاراۋعا قابىلدانبايدى. 7. ۋاكىلەتتى ورگاننىڭ جانىنان قۇرىلعان ارنايى كوميسسيانىڭ ۇسىنىمى نەگىزىندە 10 قازانعا دەيىن ۋاكىلەتتى ورگان قازاقستان رەسپۋبليكاسىنىڭ ۇكىمەتىنە قازاقستان رەسپۋبليكاسىنىڭ زاڭناماسىنا سايكەس مەملەكەتتىك مادەنيەت ۇيىمدارى مەن جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» مارتەبە بەرۋ تۋرالى ۇسىنىس ەنگىزەدى. 8. قازاقستان رەسپۋبليكاسىنىڭ ۇكىمەتى زاڭنامادا كوزدەلگەن ءتارتىپپەن قازاقستان رەسپۋبليكاسى پرەزيدەنتىنىڭ اكىمشىلىگىنە مەملەكەتتىك مادەنيەت ۇيىمدارىنا, جەكەلەگەن كاسىبي كوركەم, شىعارماشىلىق ۇجىمدارعا «ۇلتتىق» ءمارتەبە بەرۋ تۋرالى قازاقستان رەسپۋبليكاسىنىڭ پرەزيدەنتى جارلىعىنىڭ جوباسىن قاراۋعا ەنگىزەدى. 9. «ۇلتتىق» مارتەبەنى قازاقستان رەسپۋبليكاسى ۇكىمەتىنىڭ ۇسىنۋى بويىنشا قازاقستان رەسپۋبليكاسىنىڭ پرەزيدەنتى بەرەدى.