مۇنى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەركىن شپانوۆ جۇمىسپەن قامتۋ ورتالىقتارىنىڭ ءار جۇمىسسىزدىڭ تۇيىندەمەسىن جەتە زەردەلەمەيتىنىمەن دە بايلانىستىرادى. مىسالى, جاۋاپكەرشىلىگى شەكتەۋلى «ككتس» سەرىكتەستىگى قۇرمانعازى, جىلىوي, يساتاي اۋداندارىنا 47 ەلەكتر مامانىنا سۇرانىس بەرگەن, الايدا جۇمىسسىز رەتىندە 20 ەلەكتر تىركەلىپ تۇرعانىنا قاراماستان, مەكەمەگە تۇيىندەمە جىبەرىلمەپتى. جۇمىسپەن قامتۋ ورتالىقتارىنا حابارلاسقان 6 462 ادامنىڭ 38,8 پايىزى تۇراقتى قىزمەتكە ورنالاسقان. ماقات, قۇرمانعازى, ماحامبەت اۋداندارىندا بۇل باعىتتاعى شارالار ءالى دە جەتىلدىرۋدى قاجەت ەتەدى.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن» جۇزەگە اسىرۋدىڭ جاي-جاپسارى وبلىس اكىمى نۇرلان نوعاەۆتىڭ توراعالىعىمەن وتكەن ماجىلىستە ايتىلدى. تەحنيكالىق جانە كاسىپتىك بىلىممەن, قىسقا مەرزىمدى كاسىپتىك وقۋمەن قامتاسىز ەتۋ تۋرالى بايانداعان وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا ايماقتاعى 25 ورتا ارناۋلى وقۋ ورىندارىندا 74 ماماندىق, 145 بىلىكتىلىك بويىنشا وقۋ ۇدەرىسى ۇيىمداستىرىلعانىنان حاباردار ەتتى. ولارداعى 17,4 مىڭ ستۋدەنتتىڭ 7,5 مىڭى مەملەكەتتىك تاپسىرىس نەگىزىندە وقيدى. وتكەن وقۋ جىلىندا كوللەدج بىتىرگەن تۇلەكتەردىڭ 79,2 پايىزى جۇمىسقا ورنالاسقان.
جيىندا حالىقتى جۇمىسپەن قامتۋ, ەڭبەك نارىعىن دامىتۋ, وتاندىق جانە شەتەلدىك كومپانيالاردا جالپىعا ورتاق زاڭدىلىقتاردى ساقتاۋ, مىندەتتى الەۋمەتتىك مەديتسينالىق ساقتاندىرۋ جايىندا دا ايتىلدى.
باقىتگۇل باباش, «ەگەمەن قازاقستان» اتىراۋ