ونىڭ ايتۋىنشا, «ەكسپو - 2017» كورمەسىن تاماشالاۋعا وبلىستىق ءبىلىم باسقارماسى تاراپىنان مۇمكىندىگى شەكتەۋلى بالالار, وقۋ وزاتتارى مەن وليمپيادا جەڭىمپازدارىنىڭ قاتىسۋى ۇيىسداستىرىلىپ جاتىر. بۇدان بولەك جەكەلەگەن دەمەۋشىلەر دە مەكتەپتەرگە ءوز تاراپتارىنان بيلەتتەر ۇسىنىپ, ەلورداعا ساياحاتتاپ قايتۋ شارالارىن قولعا الىپ جاتىر.
سونىمەن قاتار, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىمەن 139 زەينەتكەر مەن مۇمكىندىگى شەكتەۋلى ازاماتتاردى كورمەگە الىپ بارۋ ماسەلەسى پىسىقتالۋدا.
ال, وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ماقسات مىرزاباەۆ كورمەگە باراتىندار ءۇشىن 15 ساۋىردەن باستاپ پويىز بەن ۇشاققا بيلەتتەردىڭ ساتىلىمعا شىققانىن ءمالىم ەتتى. سونىمەن قاتار ول 15 پايىزى ۇشاقپەن بىرقاتارى پويىزبەن جەتەتىنىن ايتىپ, ولاردىڭ بيلەتتەرى الدىن-الا بروندالىپ قويعانىن جانە استانا باعىتىنا قاراي جۇرەتىن پويىزدارعا قوسىمشا ۆاگوندار تىركەلەتىنىن جەتكىزدى.
«كورمە كەزىندە ارى-بەرى ءجۇرىس ءۇشىن 16 750 ورىندى دايىنداپ وتىرمىز. سونداي-اق, استانا قالاسىنا كورمەگە قاتىساتىنداردى تاسىمالداۋ ءۇشىن قوسىمشا 45 ورىندىق 10 اۆتوبۋس جانە ليتسەنزيالارى بار تۇراقتى ەمەس 9 تاسىمالداۋشى كومپانيا دايىن»,- دەدى ماقسات مىرزاباەۆ.
جالپى بۇگىندە وڭتۇستىكتە حالىقارالىق مامانداندىرىلعان كورمەنى حالىق اراسىندا كەڭىنەن ناسيحاتتاۋ باعىتىنداعى جۇمىستار مەن دايىندىق شارالارى قىزۋ جۇرۋدە.
بۇدان بولەك, كورمەگە كەلەتىن قوناقتاردى وبلىسقا تارتۋ ماقساتىندا ارنايى تۋريستىك مارشرۋتتار ازىرلەنىپ, «ەكسپو - 2017» كورمەسى قوناقتارىنا ارنالعان رەسمي مارشرۋتتار تىزىلىمىنە ەنگىزىلگەن.