گاز ايداۋ اگرەگاتتارىن ىسكە قوسۋ شاراسىن بىرىڭعاي ديسپەتچەرلىك ورتالىقتا «قازمۇنايگاز» ۇك» اق باسقارما توراعاسى ساۋات مىڭباەۆ, «قازمۇنايگاز» ۇك» اق ۆيتسە-پرەزيدەنتى قايرات شارىپباەۆ جانە «CNPC» كورپوراتسياسىنىڭ باس ديرەكتورى چجان تسزيانحۋا جۇزەگە اسىردى. سالتاناتتى باسقوسۋدا ءسوز العان ساۋات مۇحامەتباي ۇلى قىتايلىق ءارىپتەستەرگە بىرلەسكەن جۇمىس ءۇشىن العىس ءبىلدىرىپ, بۇل جوبا گاز سالاسىنىڭ ماڭىزدى مىندەتتەرىن شەشۋگە زور ىقپالىن تيگىزگەنىن اتاپ ءوتتى. «ءبىز ەلىمىزدىڭ گاز سالاسى ءۇشىن ۇلكەن وقيعانىڭ كۋاسى بولىپ وتىرمىز. «بەينەۋ – بوزوي – شىمكەنت» ماگيسترالدى گاز قۇبىرىن, «بوزوي» كومپرەسسورلىق ستانساسىن سالۋ قازاقستان مەن قحر ءۇشىن اسا ماڭىزدى», دەدى باسقارما توراعاسى.
«بوزوي» كس سالۋ تۋرالى ستراتەگيالىق باستاما مەملەكەت باسشىسىنىڭ ءوزى كوتەرگەن يدەيا ەكەنىن كوپشىلىك بىلە بەرمەيدى. وسى شەشىمنىڭ قانشالىقتى وزەكتى جانە ۋاقتىلى قولعا الىنعان جوبا ەكەندىگىن شەشىمىن تاپقان مىنا ءماسەلەلەردەن-اق اڭعارۋعا بولادى», دەدى «قازمۇنايگاز» ۇك» اق ۆيتسە-پرەزيدەنتى قايرات شارىپباەۆ. بىرىنشىدەن, سالىنىپ جاتقان «قاراوزەك» كومپرەسسورلىق ستان-
ساسى ءىسكە قوسىلعان سوڭ, گاز تاسىمالداۋدى جىلىنا 10 ملرد تەكشە مەترگە دەيىن ۇلعايتۋعا مۇمكىندىك تۋدى. ەكىنشىدەن, ەلىمىزدىڭ ەكسپورتتىق ءمۇمكىندىكتەرىن ءارتاراپتاندىرۋ جانە ارتتىرۋ. ءۇشىنشىدەن, ماگيسترالدى گاز قۇبىرلارىن ءبىرىڭعاي گاز تاسىمالداۋ ءجۇيەسىنە ءبىرىكتىرۋ. ءتورتىنشىدەن, ەلىمىزدىڭ باتىس ءوڭىرلەرىنەن وڭتۇستىك وبلىستارىنا ۇزدىكسىز گاز بەرۋدى قامتاماسىز ەتۋ. بەسىنشىدەن, بولاشاقتا قازاقستاننىڭ ورتالىق ءجانە سولتۇستىك ايماقتارىن گازداندىرۋ ءۇشىن گاز قۇبىرلارىنىڭ قۋاتتىلىعىن ارتتىرۋ», دەپ اتاپ ءوتتى قايرات قاماتاي ۇلى.
«CNPC» كورپوراتسياسىنىڭ باس ديرەكتورى چجان تسزيانحۋا «بوزوي» كومپرەسسورلىق ستانساسىنىڭ ىسكە قوسىلۋى «قازمۇنايگاز», «قازترانسگاز» ءجانە «CNPC» كومپانيالارىنىڭ ءبىرلەسكەن جۇمىسىنداعى ءۇلكەن كەزەڭ ەكەنىن ايتتى. «بۇل جوبا قازاقستاندىقتارعا كوگىلدىر وتىندى ءالدەقايدا كوبىرەك پايدالانىپ, قىتايعا گاز ەكسپورتتاۋعا ءمۇمكىندىك بەرەدى. قىتاي مەملەكەتىنىڭ «ءبىر بەلدەۋ-ءبىر جول» اتتى باستاماسى قازاقستان پرەزيدەنتىنىڭ ينفراقۇرىلىمدى دامىتۋعا ارنالعان «نۇرلى جول» باعدارلاماسىمەن ۇندەستىك تاۋىپ وتىر», دەدى چ.تسزيانحۋا.
اسحات رايقۇل,
«ەگەمەن قازاقستان»